فۆاد عهليكو: پروژهيا دهرباسبونا پێشمهرگهيێن روژ ژ بو كوردستانا سوريێ هين لداره
سهركردهیهكی كورد راگهاند كو پروژهیا ئهمریكی ژ بو بهلاڤكرنا هێزێن پێشمهرگهیێن روژ و هێزێن النخبه یێن ب سهر تیار الغد ل سهر سینورێ توركیێ ب كوردستانا سووریێ ره هین لداره .
فۆاد عهلیكو سهركردهیێ ئهنجومهنا نشتمانى كورد ل سووریێ راگهاند كو پروژهیهك ل سهر توركیێ وههرێما كوردستانێ ژ بو بهلاڤكرنا هێزێن پێشمهرگهیێن روژ و هێزێن النخبه یێن ب سهر أحمد الجهربا ڤه ل سهر سینورێ توركیێ ل جهێ چهكدارێن پهیهدێ هاته پێشكێشكرن وهكو رێگریهكێ ل گهفێن توركی ل سهر كوردستانا سوریێ لێ پهیهدێ ئهو پروژه وپلان رهد كر.
عهلیكو بالكشاند سهر وێ یهكێ كو ئهحمهد الجهربا سهروكێ تیار الغد سهرهدانا توركیا كر ژ بو گفتوگوكرنا پروژهیێ ب بهرپرسێن توركیێ ره وئهشكهره كر كو ئهڤ پروژه هین لداره لێ پهیهدێ ڤێ یهكێ رهد دكه .
عهلیكو دیاركر كو چهكدارێن پهیهدێ ل سهر ڤهگهرا رێژیما سووریێ ومیلیسێن ب سهر ڤه ژ بو دهڤهرێ كوردی ل كوردستانا سووریێ ئهرێ دكن لێ بتهنێ ل دژی ڤهگهرا پێشمهرگهریێن روژ رادوهسته .
عهلیكو د دادویا ئاخافتنا خوه ده سهرباركر وگوت كو ههلوهستا ئهنجومهنا نشتمانى یا كورد ل سووریێ ل دژی دهرباسبونا ئارتێشا توركیێ ژ بو دهڤهرێن كوردی ل كوردستانا سووریێ یه ههروهها بانگا ڤهكشاندنا چهكدادرێن پارتیا كاركهرێن كوردستانێ ژ كوردستانا سووریێ دكه د اكو ئهنجومهنا نشتمانی یا كورد ل سووریێ وپهیهدێ بكاره رێكهفتنهكێ دهرباری ماف وپێشهروژا گهلێ كورد ئیمزهبكن .
685
