كارڤەدانێن ناڤدەولەتی دەربارێ بریارا ترامپ ژبۆ ڤەكشینا هێزێن ئەمەریكا ژ سووریێ
پشتی كو سەرۆكێ ئەمەریكا رۆژا چارشەمما بۆری (19.12.2018)،بریارا ڤەكشینا هێزێن ئەمەریكا ژ سووریێ راگهاند گەلەك كارڤەدان دەركەتن ژ ل سەر ئاستێ ناڤخوەیێ ئەمەریكا وسووریێ بە وچ ل سەر ئاستێ ناڤدەولەتی بە وچاڤدێرێن سیاسی ولەشكەری ماتمایی ژ وێ بریارا ترامپ مابوون.
ترامپ گۆت:" هێزێن ئەمەریكا رێخستنا داعشێ شكاندن و ب سەركەفتی مەترسییا وێ رێخستنێ ل سەر سووریێ راكر و ئیدی چ پێدڤی نینە هێزێن وان ل سووریێ بمینن."
پشتی بریارا ترامپ ، وەزیرێ بەرڤانییا ئەمەریكا، جیمس ماتیس، پشتی بریارا ترامپ یا ڤەكشینا هێزێن ئەمەریكا ب رۆژەكێ دەست ژكاركێشانا خوە راگهاند.
وراگهاند كو مافێ تەیە كو وەزیرەكە بەرەڤانیێ كو نەرینا وی مینا نەرینا تە بە دگەل تە كار بكە، هەروسا ماتیس دا زانین ، دڤێ مرۆڤ رێزێ ل هەڤالبەندێن خوە بگرە ومرۆڤ مەترسیێ ل وان دروست نەكە.
هەڤتەریبی ، ماتیس، سیناتۆرێ كۆماری لیندسی غراهام، كو بخوە یەك ژ مێلدارێ ترامپ ە، بریارا ڤەكشینا هێزێن ئەمەریكا ب شاشیتییەكە مەزن مینا شاشیتیێ سەرۆكی ئەمەریكا یێ بەرێ ئۆباما ب ناڤ كر وهشیاری دا ترامپ كو دەربارێ بریارێن مینا ڤی بریارێ دە، گوه ل راوێژكارێن لەشكەری بگرە .
ل سەر ئاستێن دەولەتێن هەڤپەیمان ژی، كارڤەدانا بریتانیا وسا بوو، بریارا ترامپ رەخنە نەكر، لێ گۆت:" رێخستنا دەولەتا ئیسلامی داعش هێژی گەفێ چێ دكە تەڤی كو گەلەك ژ ئەندامێن وی نەمانە".
ژ ئالیێ خوە ڤە ژی، چەكدارێن بناڤێ هێزا سووریا دەمۆقراتیك، هەڤالبەندێن ئەمەریكا ل شەرێ دژی داعش د سووریێ دە تێ ناسكرن، راگهاند كود ی بریارا ڤەكشاندنا هێزێن ئەمەریكا ب نەرینی باندۆرێ بكە ل سەر هلمەتا نەهشتنا تەرۆرێ، ودێ پشتەڤانییەكە سیاسی ولەشكەری و مەیدانی بهێز بدە تەرۆرێ وجارەكی دن ژ نووڤە هلمەتەك نوو یا تەرۆرێ یا بەرۆڤاژی ل ناڤچەیێ رابە.
توركیا چەكدارێن سووریا دەمۆقراتیك مینا گەفەكی ل سەر ئەنقەرایێ دبینە، بەری بریارا ئەمەریكا یا ڤەكشینا هێزێن وێ، توركیێ گەف خوار نكو دی ل دژی چەكدارێن سووریا دەمۆقراتیك هلمەتەكێ ل باژارێ منبجێورۆژهلاتی چەمی فراتی ژی رابە.
ل همبەر بریارا ترامپ، مۆسكۆ بریارا ڤەكشینا هێزێن ئەمەریكی ب كاڤەگە راست ودورست وەسف كر و پێشوازی لێ كر، ودا زانین كو، دێ ئاسویێن چارەسەرییا سیاسی ل سووریێ ڤەكە، لێ رۆسیێ گۆمانێ د بجی كرنا ڤێ بریارێ دە دبینە ول گۆر رۆسان دبە ئەمەركیا نە جدی بە ، ژبەر كو ئەمەریكا چەندێ سالانە دبێژە ئەزێ ژ ئەڤغانستانێ بكشم ، لێ هێژی وا د ئەڤغانستانێ دە یە.
ژ خوە رێژیما سووریێ، هەر ب بەردەوامی داخوازا دەركەتنا هێزێن بیانی ژ خاكا سووریێ دكە، یێن نە رەوا وبێ رازیبوونا حكومەتا سووریێ د خاكا سووریێ دە نە .
وەلاتێ ئەلمانیا ل سەر زارێ وەزیرێ خوە یێ دەرڤە، بریارا ئەمەریكا ب تەك ئالی ناڤ كر وگۆت دی باندۆرێ ل شەری دژی داعشێ بكە .
ئیسرائیل ژ ئالیێ خوە ڤە، رەخنە كر و گۆت:" ئەڤ بریار دی ئالیكارییا ئێرانێ بكە كول ڤ وتەڤگەرا وێ د سووریێ خوەشتر ببە و رەوشا وێ د سووریێ و عێراقێ دە باشتر و بهێز تر ببە. "
د پەیامەكێ دە سەرۆك بارزانی راگەهاند كو بوویەر وپێشهاتەیێن داوی یێن سوریا وب تایبەتی رەوشا گەلێ كورد ل سووریا جهێ دل گرانیێ یە .. وبەریا نهاژی دەربارێ پێشەرۆژا گەلێ كورد ل سووریا وئەو رەوشا كو نها رۆژئاڤایێ كوردستانێ تێدە دەرباس دبە مە تیبینی ودل گرانیا خوە راگەهاندیە , ونە دبوو رهوش ب ڤێ رەوشا نها بگهە.
گەلۆ ، پشتی بریارا ترامپ یا ڤەكشینا هێزێن ئەمەریكی ژ سووریێ، وێ چ ل سووریێ روو بدە ؟
سەدەمێن بریارا ترامپ یا ڤەكشینا ژ نشكیڤە چ نە؟
گەلۆ ئەڤ بریار دێ ئالیكاریێ د چارەسەركرنا رەوشا سووریێ دە بكە؟
گەلۆ كی ژ ڤێ بریارێ قازنج دكە وكی زەرە دكە؟
ر.ع
512
