ولید معلم: ئەم رازی نابن چ كیانەكی كوردی ل باكۆریێ رۆژهلاتێ وەلات ئاڤا ببە

وەزیرێ دەرڤەیێ یێ سووریێ ، ولید معلم، رۆژا دوه ، رۆژا دووشەمبێ (17.12.2018)، هەلوێستا دیمەشقێ دەربارێ كیانەكی كوردی ل سووریێ جارەكی دن نوه كر وگۆت:" كەس د سووریێ دە، رازی نابە بەحسا كیانیێن سەربخوە یان چ فیدرالیێەكی ب چ ئاوایەكی."

هەروسا معلم ، د دەما هەڤدیتنا وی ب ماموستا و خوەندەكارێن زانینگەها دیمەشقێ رە ، گۆت:" چ ئەلتەرناتیڤ ژ ڤەگەرا ولاتێ رە نینە، و همیزا وەلات ژ بۆ هەر سووریەكی ڤەكریێە، و بریارا دەولەتێ ئەوەیە، ڤەگەرا سەروەریا دەولەتێ ل سەر هەر بۆستەكێ خاكا كۆمارا عەرەبی یا سووریێ."

معلم دا زانین، كو سووریێن كورد بەشەكن ژ نەسیجێ سووری ب تەڤاهی و تەكەز كر كو حكومەت هەردەم ئامادە یە دیالۆگێ ب كوردان رە بكە دەربارێ تشتا كو د بەرژەوندییا وەلات دە بە، ومعلم هشیاری دا كوردا داكو ب خەون و خەیالێن ئەمەریكا نە خاپن و باوەر نەكن دێ ئەمەریكا رەوشەكی تایبەت و سەربخوە ژ وان رە د سووریێ دە ئاڤا بكە.

وەزیرێ دەرڤە یێ سووریێ، هەروها گۆت:" ئازادكرنا ئدلبێ ژ ریخستنێن تەرۆری ژ ئارمانجێن پێشیێ یە یێ حكومەتا سووریێ، ودیمەشق ب هەماهنگی ب مۆسكۆ رە ب ئاوایەكی بەردەوام .

هەڤدەمی وێ یەكێ، وەزیرێ دەرڤە یێ سووریێ، ولید معلم، سەرۆكێ توركیێ رەجب تەیب ئەردۆغان و رێخستنێن تەرۆری ئانگو گرۆپێن چەكدار یێن ئارتێشا ئازاد ل ئدلبی تۆمەتبار كرن كو پابەندیی ب رێكەفتنا سۆتشی دەربارێ ئدلبێ ، نابن.

معلم راگهاند كو سەركردایەتیا سووریێ دیالۆگا سیاسی باشترین چارەسەری دبینە ژ رەوشا ئدلبی رە ئەگەر وی ئدلبی ژ تەرۆرێ رزگار بكە، ودیار كر كو رێژیما سووریێ رژدە ل سەر رزگاركرنا هەموو خاكا سووریێ ژ تەرۆرێ.

ر.ع

470