بنپێكرن ل عهفرینێ بهردهوامه
پشتی كو گرووپا چهكدار یا بناڤێ سلتان عهسمان ل گوندێ قهستهل خدریا یا ناڤچهیا بلبلێ یا عهفرینا رۆژئاڤایێ كوردستانێ ئهحمهد بهكر ئهندامێ ئهنجومهنا خوهجهی یا ناڤچهیا بلبلێ بنچاڤ كرن و ئهشكهنجه كرن جارهكه دن گرووپا چهكدار دهست ب بنپێكرنێن خوه دهرحهڤێ وهلاتییان ده كرن .
ل گۆر زێدهرێن خوهجهی ورێخستنا ماڤێ مرۆڤان ژ عهفرینێ راگهاندنه كو چهكدارهكی ژ كهتیبهیا الفتح مالا وهلاتییهكی عهفرینێ مالا دكتور عدنان ملا ل سهر رییا ماراتێ شهوتاند كو ب تهنێ ژ بهر ئهو مالا دهستهسهركربوو وجارهكه دن ژ وێ مالێ هاته دهرخستن لهوما ب وێ كارێ رابوو وكهلوپهلێن ناڤ مال شهوتاندن .
د 7 مهها 12 /2018 ههمان رێخستنا ماڤێ مرۆڤان ل عهفرینێ راگهاندیه كو گرووپێن چهكدار ب ههلمهتهكه گرتن وبنچاڤكرنێ ل گوندێ كهفرجنێ رابوونه ژ كهسێن هاتنه بهلگهكرن
_ محمد توفيق عثمان 25 سالی
_ عصمت جميل عثمان 23 سالی
_ جلال حمدوش 20 سالی
ل گۆر ههمان ژێدهرێ كو بهانهیا وان گرووپان ئهوه كو ئهو جوان ئالیگرێن پهیهدێ وپهكهكێ نه
د 15/11/2018 دهما وهلاتییهك ژ خهلكێ سینكۆ بهرێ خوه ددا گوندێ خوه ژ ئالیێ بهربرسێن حكومهتا سووریا دهمكێ ڤه هاته گرتن ب تهنێ ژ بهر كو نهخهشهیا كوردستانێ ل سهر جانێ خوه شێوه كربوو وژبۆ سالاكی هاته دادگههكرن ههروهها وهلاتیێ ب ناڤێ زهێر محمد ههفت ههیڤن هاتیه گرتن وتا نها نههاتیه دادگهكرن .
د داوییا داخویانییا خوه ده رێخستنا ماڤێ مرۆڤان دا زانین كو دهردۆرا 500 دۆسه ل دادگهها باژارێ عزازێ ده ههیه كو خوهدان وان ب تۆمهتا ئهندامتییا پهكهكێ ئهو دۆسه هاتنه ڤهگرن وپرانییا وان ژ سالهكێ تا سال ونێڤهكێ هاتن دادگههكرن كو ههمان دادگهه كهسێن ئهندامتییا داعشێ ب تهنێ شهش ههیڤان دادگهه دكن .
ش.ع
495
