په‌یه‌دێ شه‌هیدێن سڤیل یێن عه‌فرینێ ب چه‌ته بناڤ دكه
ب شێویه‌كی دوور ژ ره‌وشتێ بێ كو حورمه‌تا خوینا باكروانێن كوردێن سڤیل یێن د ته‌قینێ ده شه‌هید بوونه بگره پارتیا یه‌كیتیا ده‌مۆقراتیك په‌یه‌دێ وراگهاندنا خوه ب سه‌رڤرازی وبلندی ته‌قینا ته‌رۆری یا سوق الهال یا كو ل ناڤه‌ندا باژارێ عه‌فرینێ چێبوو بوو ل خوه گرت و ئه‌و شه‌هید ب چه‌ته‌یان ب ناڤ كرن
دوه 16/12/2018ان ته‌قینه‌ك ته‌رۆری ل تاخا ئه‌شره‌فیێ ل سوق الهال یا سه‌ره‌كه یا عه‌فرینێ چێبوو ود ئه‌نجامدا ب ده‌هان شه‌هید و بریندار كه‌تن كو ئه‌و بازار وه‌ك بازاره‌كه سه‌ره‌كه خه‌لكێ باژێر وگوند وناڤچه‌ێن عه‌فرینێ هه‌روه‌ها بازرگان وخوه‌دێن دوكانان به‌رێ خوه ددن وێ بازارێ داكو پێده‌ڤیێن خوه‌رانێ یێن رۆژانه دابین بكن وكه‌لپه‌لێن دوكانێن خوه بكرن ژ به‌ر كو نه‌رخێ وێ بازارێ ژ جهێ دن ئه‌رزانتره .
ل گۆر ئاگاهیێن ئاركێ ته‌كه‌ز كرن كو تو ناڤه‌ندێن له‌شكه‌ری ل سوق الهال یا عه‌فرینێ تونه‌یه وئه‌گه‌ره هه‌به ل دوارا كاوا یه وئه‌و دوار ل سه‌ر رییا حه‌له‌بێ یه و ده‌ردۆرا سێسه‌د متران ژ سوق الهال ڤه دووره وب پرانییا قوربانییان خه‌لكێ سڤیلن نه‌خاسم كوردێن عه‌فرینێ نه .
د هه‌مان رۆژا ته‌قینا ته‌رۆری ده ئۆده‌یا غه‌ده‌ب زه‌یتوون ئه‌و ته‌قینا ته‌رۆری ل خوه گرت ومالپه‌رێن په‌یه‌دێ و ئالاڤێن وێ یێن راگهاندنێ داخویانییا وێ ئۆده‌یێ به‌لاڤكر ورۆۆپه‌لێن تۆرێن جڤاكی وچالاكڤانێن په‌كه‌كێ وپه‌یه‌دێ بێ كو حورمه‌تا شه‌هیدێن كوردێن سڤیل یێن عه‌فرینێ بگرن ئه‌و ته‌قینا ته‌رۆری ل خوه گرتن و ئه‌و شه‌هید ب چه‌ته‌یان بناڤ كرن .
ل خوه‌گرتنا په‌یه‌ێ ژ وێ ته‌قینا ته‌رۆری ره بوو جهێ نه‌رازیبوونا خه‌لكێ عه‌فرینێ وئه‌و یه‌ك ب نه‌گرتنا حورمه‌تا خوه‌ینا شه‌هیدێن سڤیل بناڤكرن ئه‌و سڤیلێن كوردێن ره‌سه‌ن یێن ته‌ڤی ئاسته‌نگییان و بنپێكرنان خوه‌راگرن و به‌رخودانا مانا د عه‌فرینێ كوردستانی دكن وناخوه‌زن خاكا وان ژ عه‌ربان ره بمینه وژ وێ بێتر ببه عه‌ربی .
ش.ع
485
