راستیێا دەرباسبوونا پێشمەرگەیێن رۆژ ژبۆ كوردستانا سووریێ

هەڤدەمی بلندبوونا دەنگیێ لەشكەریێ یێن توركیێ ل دژی یەپەگێ و كەفیێن وێ ژبۆ دەرباسبوونا رۆژهلاتێ چەمێ فراتێ و ناڤچەیێن كوردستانی ، ئەمەریكا هەولا هێمنكرنا رەوشی ددە، وهەولا ناڤبینكاریێەك دناڤبەرا توریكێ وئالیێن كوردستانا سووریێ دكە، ژبەر كو ئەمەریكا پێدڤی ب هێزەكێ هەیە ل كوردستانا سووریێ ل دژی داعشێ شەر بكە وهەم ژی بنگەهێن وێ بپارێزە ، لەوما ئەمەریكا دەرباسبوونا پێشمەرگەیێن رۆژ مینا چارەسەریێەكێ ژ ڤی كریزێ رە دبینە.

ل گۆری ئاژانسا باس نیوز بلاڤكرییە، ئیرۆ(16.12.2018)، ئەمەریكا چارەسەریێەكە دناڤبەرا توركیێ و پەیەدێ ویەپەگێ كو باسكێ پەكەكێ یێن سیاسی و لەشكەریێ نە ل سووریێ دبینە، ژبەر كو توركیێ دخوازە رۆژهلاتێ چەمێ فراتی داگیر بكە و پەكەكی ژی دبێژە ئەمێ ژ دێرازۆرێ بكشن و ل همبەری توركیێ شەر بكن .

ژیدەرێ گۆت، ئەمەریكا دێ پێشمەرگەیێن رۆژ مینا چارەسەریێەكێ دەرباسی رۆژئاڤایێ كوردستانێ بكە و پاراستنا سنۆر و ناڤچەیێن سنۆری یێ باشوور و توركیێ یێن كو پەیەدێ ئیرۆ كۆنترۆلكریێە، بكە.

ژ خوە بەرێ ژی ، هەریما كوردستانێ ژ ئالیێ خوە ڤە، داخوازا ڤەگەرا ڤان پێشمەرگەیان ژبۆ جه ووارێن وان كربوون، لێ پەكەكێ رازی نەبوو.

ژێدەرێ ئەشكەرە كر كو، ئەگەر هەیە ب هەزاران ژ پێشمەرگەیێن رۆژ یێن كو نها ل هەرێما كوردستانێ دمینن، ل سەر سنۆری دناڤبەرا توركیێ وكوردستانا سووریێ (ئانگو ناڤچەیێن دبن كۆنترۆلا پەیەگێ )دە، بلاڤ ببن و ب پشتەڤانی ژ ئەمەریكا ، ئەڤ یەك ژی مینا چارەسەریێەكی و نزمكرنا ئاستا توترێ و گۆرتارا شەرخوەشكرنێ دناڤبەرا توركیێ و یەپەگێ دە.

ژێدەرێ هەروسا سەربار كر كو ئەگەر هەیە د چەند دەمژمێرێن بێ یان رۆژین بێ دە، بەشێ یەكەم كو ژ 400 پێشمەرگەیێن لەشكەرێ رۆژ پێك تی ل سەر سنۆرێ دناڤبەرا توركیێ و كوردستانا سووریێ ل رۆژهلاتێ چەمێ فراتێ ب پشتەڤانیا ئەمەریكا ورەزامەندیا توركیێ بلاڤ ببن و كۆنترۆلا ناڤچەیێ بكن .

هژمارێن پێشمەرگەێن كو ئەگەر هەیە بلاڤ ببن ل گۆری ژێدەریێن راگهاندنێ،زێدەتری 8 هەزار پێشمەرگەیە و هەموو ئالاڤ و پێدڤی وچەكێن خوە ڤە .

هیزا پێشمەرگەیێن رۆژ ئاڤا بووییە ژ جوانێن كوردێن سووریێ یێن كو ژ ئارتێشا رێژیما ئەسەد جوودا بوونە پشتی سەرهلدانا شۆرەشا سووریێ و ل سەردەستێ خەبیرێن بیانی و ئەورۆپی و ل ژێر چاڤدێریا وەزارەتا پێشەرگە یا هەرێما كوردستانێ هات پەروەردە كرن و بەژداری گەلەك شەریێن ل دژی رێخستنا تەرۆری داعشێ ل هەرێما كوردستانێ كرن و داستان تۆماركرن مینا داستانا عین عویس وپردێ.

ژ ئالیێ خوە ڤە، پەیەدێ كو هەڤلبەندە ب هێزێن عەرەبی د چارچوڤەیا هیزێن سووریا یا دەمۆقرات ڤەگەرا پێشمەرگەیێن رۆژ رەت دكن و رازی نابن پێشمەرگەیێن رۆژ ڤەگەرن ولاتی خوە ل كوردستانا سووریی و بەرەڤانیێ د بەر خاكا خوە و مللەتێ خوە دە بكن.

ژیدەرێ دا زانین كو دەرباسبوونا پێشمەرگەیێن رۆژ وبلاڤبوونا وان ل سەر سنۆریێ دناڤبەرا توركیی و كوردستانا سووریی و پشتەڤانیا ئەمەریكا تێ وێ واتەیێ كو چ هنجەتا پێشیا توركیی نەهێلە كو ئیریشی كوردستانا سووریێ بكن كو دبێژە پەكەكێ نێزیكی سنۆریێ وێ و مەترسیێ ل سەر ولاتیێ توركیێ دورست دكە.

سەرۆكێ توركیێ رەجب تەیب ئەردۆغان، تەكەز كربوو كو دیێ ڤان چەند رۆژان دە، هلمەتەكە لەشكەری ببە سەر رۆژهلاتێ چەمێ فراتێ وشەرێ پەكەكێ وپەیەدێ بكە.

ر.ع

1062