محمد سعدون: سەدەما سەرەكە یا دەرباسبوونا توركیێ ل رۆژهلاتێ چەمێ فراتێ ئەوەیە ئاستەنگیان ژ دۆزا كوردی رە دورست بكە

ئەندامێ كۆمیتا ناڤەندی یا پارتی دەمۆقراتی كوردستانی – سوریا محمد سعدون گۆت:" چارەنڤیسا رۆژهلاتی چەمێ فراتێ مینا هەموو پارچەیەكێ ژ خاكا سووریێ یێن گرێدایی بریارێن ناڤدەولەتی ڤە و چارەسەریێن كو خزمەتا بەرژەوندیێن وان بكە و سەدەما سەرەكە یا دەرباسبوونا توركیێ ژبۆ رۆژهلاتی چەمێ فراتێ ئەوە یە كو پرسگرێكان ژ دۆزا كوردی چێ بكە د ڤێ قۆناغی دە."

سەركردەیێ پارتی دەمۆقراتی كوردستان – سوریا محمد سعدون، ژ مالپەرا فەرمی یا پارتی دەمۆقراتی كوردستان – سوریا (پەدەكەسێ) رە راگهاند كو ، گەفێن ئەردۆغان یێن داویێ ژبۆ دەرباسبوونا رۆژهلاتێ چەمێ فراتێ راستن و وئەردۆغان رژدە د گۆتارا خوە دە ، ژبەر كو رەوشا دەولەتا سووریێ وشەریێ وی بەرڤە داویێ دچە ودی قۆناغەكە نوو دەستپێ بكە ئەو ژی چارەسەریێا سیاسی یە و ترسا توركان هەیە كورد مافێن خوە دڤێ قۆناغێ دە وەربگرن، لەوما ئەو خوە ژ ئێریشەكە لەشكەری د گەل (15) هەزار چەكدارێن ئارتێشا ئازاد و چەتە وتەرۆریستان ئامادە دكە و دبن هنجەتا ڤەگەراندنا خاكێ ژ خوەدیێن وێ رە مینا چاوا ل عەفرینێ كرن."

سەركردەیێ پەدەكەسێ" سەربار كر وگۆت:" رۆژهلاتێ چەمێ فراتێ جێاوازە ژبەر هەبوونا بنگەهێن ئەمەریكی ل وێ ناڤچەیێ و ژبۆ پاراستنا بەرژەوندیێن خوە وپشتگرێدانل سەر قەسەدێ ل سەر خاكێ . هەروەك تێ زانین هەبوونا ئەمەریكا مینا گارەنتیێەكێ ژ سنۆریێ توركیێ رە وەك چاوە ل هەرێما كوردستانێ روودا بوو ، ژبەر كو ئەمەریكا هەول ددە پەیەدێ ژ پەكەكێ جودا بكە و ژ ئێرانێ ژی فەقتینە و رادەستكرنا ناڤچەیێن عەرەبی ژ هێزێن عەرەبی رە و بەژداری كرنا هەموو پێكهاتەیێن جڤاكی د ناڤچەیێن كوردی د رێڤەبەریێا ناڤچەیێ رە ژبۆ دورستكرنا گەشو هەوایەكی ئارام و ب ڤی ئاوای پاراستنا بەرژەوندیێن خوە بكە.

محمد سعدون گۆت :" دڤێ پەیەدێ ژ باژارێ منبجێ دەركەڤە ل گۆر رێكەفتنا دناڤبەرا توركیێ وئەمەریكا دە هاتبوو ئمزا كرن ودبە كو ئەردۆغان ب ڤێ ئاوایی ژ داگیركرنا رۆژهلاتێ چەمێ فراتی ڤەگەرە وسازەشێ ل سەر بكە.

سەركردەیێ پەدەكەسێ دبێژە:" گەلۆ پەیەدێ دكارە ژ پەكەكێ جودا ببە و هەموو هێزێن كوردی بەژدار بكە د رێڤەبەریێا خوە دە، ل ڤێ دەرێ پرسگرێك هەیە، ژبەر كو پەیەدێ ئامادەیە خاكا كوردستانا سووریێ رادەستی رێژیمێ یان هەر هێزەكی دن بكە، لێ كوردان بەژداری رێڤەبەریا خوە دە نەكە، مە د كۆبانێ دە دیت، دەما كو ریخستنا تەرۆری "داعشێ" داگیركر و سەرۆك بارزانی هەول دا هنەك پێشمەرگەێن رۆژ دناڤا پێشمەرگەیێن هەرێما كوردستانێ دە بنێرە كۆبانێ ، لێ پەیەدێ گۆت ئەزێ شەرێ پێشمەرگە بكم. ژبەر كو پەیەدە نە پارتیێەكە سەربخوەیە داكو بریارێن مینا ڤێ بریارێ بستینە، ژبەر كو پەیەدێ رێكەفتن ب رێژیما ئەسەد رە ئمزە كرییە و ئەگەر پێشمەرگەیێ رۆژ دەباس بوو تێ وێ واتەیێ كو بەژداربوونا وان د رێڤەبەریێ و ل سەر خاكی دە.

محمد سعدون، ئەشكەرە كر كو ئەگەر توركیێ هنەك تۆپ ئاڤتن ژی و شەر ژی كر لێ وێ دەرباس نە مینا كو دەرباسی عەفرینێ بوو ژبەر كو رێژیما ئەسەد ژی هێژی بهێزە د هەردوو باژارێن قامشلۆ و حەسەكێ دە.

ئەندامێ كۆمیتا ناڤەندی یا پارتی دەمۆقراتی كوردستان – سوریا، محمد سعدون، تەكەز كر وگۆت :" تەڤی كو هەلوێستا پەیەدێ ژ ئەنەكەسێ نەرینی یە، لێ دەستێ ئەنەكسێ درێژە ژبۆ پەیەدێ، لێ ل گۆر هەرسێ رێكەفتنێن هەولێر و دهۆكێ وبلگەنامەیا سیاسی یاكو ب ناڤێ كاغەزا كوردی هەڤبەش دناڤبەرا ئەنەكەسێ وپەیەدێ دە ئمزە كرییە، و هاتی رادەستكرن ژبۆ ئۆپۆزسیۆنا سووریێ ویاكو مافێن كوردان مینا فدرالیێەكێ د چارچۆڤەیا سووریایەكی یەكگرتی دە تەكەز دكە .

سەركردەیێ پەدەكەسێ ئامەژە كر، كو دڤێ ئەنجومانا نشتیمانیا كوردی (ئەنەكەسێ) تەڤگەرەك بلەز دناڤا هێزێن كو باندۆرا وێ ل سەر دۆزا سووریێ هەیە، بكە، و ئامادەبوونا خوە بدە د بەژاربوونا رێڤەبەریێا ناڤچەیێن كوردی ل گۆر شەرت ومەرجێن كوردی .

ر.ع

746