محمد سعید وادی: چارەنڤیسا جەزیرێ مینا چارە نڤیسا عەفرینێ نابە

ئەندامێ كۆمیتا ناڤەندی یا پارتی دەمۆقراتی كوردستان – سوریا محمد سعید وادی راگهاند :"ئەگەر توركیا ئێریشێ ببە ل سەر ناڤچەیێن كوردستانی دێ بێ گۆمان چار كەسك ژ ئەمەریكا بری بە و ئەڤ یەك ژی مینا نامەیەكێ یە ژ پەیەدێ رە داكو گرێدانا خوە ژ پەكەكێ ڤەقەتینە."

ئەندامێ كۆمیتا ناڤەندی یا پارتی گۆت:" تشتەك جێگر د سیاسەتێ دە نینە و ئێریشا توركێ دیاری كر بە وژبۆ ئارمانجاەكی دیار بە و دژی پەكەكێ و باسكێن ئێرانی ئانگۆ گرۆپا قەندیلێ بە."

هەروسا محمد سعید وادی گۆت:" توركیا باوەرە كو پەیەدێ چ گەفێ ل سەر ئەولەهی و هێمنایا توركێ دروست ناكە تەڤی كو پەیەدێ نیشان وهنجەتێن دیار ژ توركان رە دهینە هۆلێ ژبۆ تەڤلهەڤكرنا رەوشێ ل رۆژهلاتێ چەمێ فراتێ ، لێ ترسان توركان ژ پەیەدێ ئەوە كو ئەمەریكا پشتەڤانیا پەیەدێ بكە ومینا كۆمپانیا ئەمەركی (بلاك ووتر) تەماشەی وان بكە وچ دەما بخوازە وان ل دژی توركێ بكار بینە و وان مینا هێزەكێ د دەستێ دەولەتین هەرێمی دە ل دژی توركێ بلڤینە."

سەركردەیێ پەدەكەسێ، محمد سعید وادی، گۆت:" ئەو باوەرە كو توركیێ نكارە جزیرێ مینا عەفرینێ داگیر بكە ژبەر گەلەك سەدەمان، یەك ژوان، هەبوونا بنگەهێن لەشكەری یێن ئەمەریكا تێدە، كو زێدەتری (20) بنگەهانە، و رۆژهلاتێ چەمێ فراتێ دە گەلەك نەتەوە هەنە ژبلی كوردان، لەوما دبە كو جڤاكا ناڤدەولەتی ودەولەتێن عەرەبی فشارێ بكن سەر ئەمەریكا داكو چرا كەسك نەدە توركان."

وادی ئاماژە كر، كو رەوشا جەزیرێ جێوازە ژ رەوشا عەفرینێ ژبەر كو زێدەتری یەك دەرگەهی دێدە هەیە مینا دەرگەهێ هەرێما كوردستانێ و عێراقێ و توركێ وسووریێ رە و دێ دەستێوەردانا توركێ بەرۆڤاژی بەرژەوندیا وێ وەرە.

ئەندامێ كۆمیتا ناڤەندی یا پارتی دەمۆقراتی كوردستان – سوریا (پەدەكەسێ) محمد سعید وادی د داویا لێدوانا خوە ژبۆ مالپەرا فەرمی یا پارتی دەمۆقراتی كوردستان – سوریا دەربارێ هەلوێستا ئەنجومانا نشتیمانیا كوردی ل سەر ڤێ ئێریشێ گۆت:" دێ هەلوێستێ ئەنەكەسێ نەرازیبوون بە و دێ ڤێ ئێریشێ ب تووندی شەرمەزار بكە كو بهنجەتێن پەیەدی توركێ دەرباسێ ناڤچەیێن كوردستانا سووریێ ببە، وب ڤی ئاوای دێ پەیەدێ ژی ئارمانجێن رێژیما سووریێ و توركیێ و ئێرانێ ب ریێا پرۆژەیا ب ناڤێ وێ پەیەدێ رە بجه ورە."

ر.ع

504