شەپێلا پێشەرۆژا كورد بانگ ل سووریان دكە داكو رێگریێ ل ئێریشا توركێ بگرە ونەهێلە كارەسات دووبارە ببە

شەپێلا پێشەرۆژا كورد ل سووریێ بانگ ل گرۆپەك ژ سیاسەتەمدار و رۆشنبیروهۆنەرمەندێن سووریێ یێن نە كورد كر وداخواز ژ وان كر كو بهەڤ رە كار بكن ل دژیدەرباسبوونا گرۆپێن كو توركیێ پشتەڤانیا وان دكە ژبۆ ناڤچەیێن كوردی ل سووریێ.

د بانگا شەپێلا پێشەرۆژا كورد ل سووریێ دە هاتیە، ئەم ب هەڤرە كار بكن داكو كارەساتا دووبارە نەبە.

د بانگا خوە دە، شەپێل دبێژە، رووداوێن ل ناڤچەیێن كوردی ل باكۆریێ سووریێ چێ دبە هێلا بوویەران زەلال دكە و تەكەز دكە كو دێ كارەساتەكی مرۆڤی رووبدە ودێ سەرێ سڤیلان ب ئاوایەكی گشتی و كوردان ب ئاوایەكی تایبەتی دە بشكێ ، ژبەر كو ب ڤی ئاوایە دووبارە ئێش و ئازارێن كوردان یێن دیرۆكی دبە.

دەلوەتا توركیێ ئامادەكاریێ لەشكەری و لوجستی ژبۆ داگیركرنا ناڤچەیێن كوردی دكە، و دێ دەستهلاتا وەكالەت ئانگو (پەكەكێ) وبەشێ وی یێن سووریێ (پەیەدێ) بگوهەرە ب هیزەكە گرێدایێ وێ ب راستەخو یان ژی ب سەر وێ ڤە. ب ڤی ئاوای ژی تەجربەیا خوە یا عەفرینێ دووبارە ل ناڤچەیێن كوردستانا سووریێ یێن دن بجه دكە، و دێ هەمان ئەنجامێن وێرانی و كارەساتێ مرۆڤێ ل پاش خوە بهێلە بەهەموو رەهەندیێن خوە یێن سیاسی و مرۆڤی و جڤاكی ڤە.

پرانیا گرۆپێن چەكدار، سەر ب توركێ ڤە نە تەڤی هەموو ناڤ ورەنگێن خوە ڤە، وبەردەوامن د تاوانێن جەنگی و بنپێكرنێن بەرفرە دەرهەقێن سڤیلان دە ل عەفرینێ، ول دژی پێكهاتەیا كورد ب تایبەتی ل عەفرینێ، بگرە ژ دەستەسەركرنا مال ومولكێن ولاتیان وهەتا وەكە گوهەرتنا دیمۆگرافی، ئەڤ هەموو بارگرانیەكە ل سەر وژدانا سووریێن ب شەرەف وبرینا وان كۆر تر دكە و ب تایبەتی ژی كوردێن سووریێ. هەروسا پارچەبوونا جڤاكا سووریێ وڤالەهیێا دناڤبەرا پێكهاتەین سووریێ دە زێدە تر و بەرفرە تر دكە. چ ل سەر ئاستێ سیاسی بە یان جڤاكی بە و ئاستەنگێ ل پێشیا دەرباسبوونا كریزان و ئالیێن چارەسەركرنا وان ل پێشەرۆژێ دە دروست دكە.

شەپێلا پێشەرۆژا كورد ل سووریێ دا زانین كو، ئەو دبینە رزگاربوون ژ پەكەكێ و پەیەدێ وتشتا كورد ژی ژێ دنالە، دبە كو ب رێ و شێوەیێن جێاوز وجودا بە و دریێا رێكەفتنا هێزێن هەرێمی و دەولەتێن جیران ژ ئالیێەكی بە، وهێزێن سیاسی كوردی و ئاشۆری و عەرەبی و هێزێن سیاسی یێن جن وهەموو پێكهاتەێن جڤاكی كو ل هەرێمێ دە هەنە ژ ئالیێەك دن ڤە بە.

شەپێلێ، گۆت، ئەم وەك سووری وژبۆ پاراستنا یەكرێزیا ئاخا سووریێ و بەرپرسیاری یا مە ژ پێشەرۆژا مللەتێ سووریێ رە ب هەموو پێكهاتە و چین و توێژێن خوە ڤە ورێگری ل دووباربوونا هەر كارەساتەكی مرۆڤی ، دخوازن هەموو ئالیێن هێزێن بیانی كو دەستێوەردانێ د سووریێ دە دكن و د دەستپێكێ پەكەكێ ئاخا سووریێ بجه بهێلن و وحساباتێن خوە دوور ژ ئاخا سووریێ صافی بكن .

هەروسا شەپێلێ داخواز ژ توركیێ كر كو ئاشتیێ ب هەردوو ئالیێن سنۆری ڤە و ئەم ڤێ یەكێ بهورگلی چاڤدێری دكن و داخوازا پەیوەندیێن بەردەوام ژ توركیێ دكن و ئەم بانگی هەموو سووریێن ب رۆمەت وشەریف د هەموو رێخستنێن جڤاكا سڤیل و رێخستنێن مافێن مرۆڤان یێن سووریێ و ناڤدەولەتی و هەموو دەزگەهێن ئۆپۆزسیۆنا سووریێ ل توركیێ ب تایبەتی دكن داكو ڤان بنپێكرنان شەرمەزار بكە و نەهێلە كارەساتا مرۆڤی یاكو دێ بەرۆژڤای باندۆرا خوە ل سەر جڤاكا سووریێ بكە ، رووبدە ول سەر ڤێ بانگا مە ئێمزە بكن .

دەستپێشخەری و بانگا شەپێلا پێشەرۆژا كورد ل سووریێ دووه رۆژا پێنچ شەممێ(13.12.2018) بلاڤبوویە و، (41) كەسایەتی و پارتی و ریخستنێن سڤیل و مرۆڤی و سیاسەمەتدار یێن سووریێ ئێمزە كرییە .

ر.ع

644