15 چه‌كدارێن ئۆپۆزسیونێ ژ بۆ شه‌ر ئامه‌ده‌نه‌

پشتی رۆژه‌كێ ژ داخویانیێن سه‌رۆكێ توركیێ ره‌جه‌ب ته‌یب ئه‌ردوغان ژ پێكئانینا ئۆپراسیۆنه‌كه‌ له‌شكه‌ری دژی ده‌ڤه‌رێن كوردی ل كوردستانا سووریێ چه‌كدارێن ئۆپۆزسیونێ راگهاند ئه‌وێ د شه‌رێ دژی ده‌ڤه‌رێن كوردی به‌شدار بكن

یوسف حمود به‌رده‌فكێ فه‌رمی یێ چه‌كدارێن ئۆپۆزسیونا سووریێ راگهاند كو ده‌ردۆرا 15 هه‌زار چه‌كدار ئاماده‌نه‌ داكو به‌شداریێ د شه‌رێ دژی ده‌ڤه‌رێن كوردی ل كوردستان سووریێ بكن

حمود سه‌ربار كر كو ده‌م ژ وێ ئۆپه‌راسیۆنێ ره‌ نه‌هاتیه‌ ده‌ستنیشانكرن لێ ئه‌وێ ژ خاكا سووریێ وتوركیێ ده‌ ده‌سپێبكه‌ ودێ چه‌ند ئه‌نییان ل خوه‌ بگره‌ نه‌خاسم باژارێ منبج ل رۆژئاڤایێ فراتێ و باژارێ كوبانێ و گرێ سبی ل كوردستانا سووریێ ودا زانین كر كو ئه‌گه‌ر هه‌یه‌ لڤ وته‌ڤگه‌را ژ توركیێ به‌ریا سووریێ ده‌سپێبكه‌

داخویانیێن سه‌رۆكێ توركیێ كو رۆژا چارشه‌مێ ده‌ بوو ب شێوه‌یه‌كی به‌رچاڤ هاته‌ وه‌رگراندن ولڤ وته‌ڤگه‌ره‌كه‌ له‌شكه‌ری ل سه‌ر سینۆرێ توركیێ ورۆژئاڤایێ كوردستانێ هاته‌ روودان وگه‌له‌ك ئۆتۆمبێلێن له‌شكه‌ری وتانگ وتۆب ژ توركیێ به‌رێ خوه‌ دان برامبه‌ر گرێ سبی و سه‌رێ كانیێ

داخویانیێن توركیێ ب شێوه‌یه‌كی توند ژ ئالیێ بنتاگونا ئه‌مریكی ڤه‌ هاتن ره‌خانكرن وگۆت هه‌ر كاره‌كی ب یه‌ك ئالی ل كوردستان سووریێ نایێ په‌ژراندن

ول عه‌فرینا رۆژئاڤایێ كوردستانێ لڤ وته‌ڤگه‌را به‌شه‌ك ژ گرووپێن چه‌كدار لاواز بوویه‌ و تێ گۆمان كرن كو ئه‌و گرووپ به‌رێ خوه‌ دانه‌ توركیێ داكو به‌شداریێ د ئۆپه‌راسیۆنێن توركیێ ده‌رحه‌قێ باژارێن كوردستانا سووریێ ده‌ بكن .


ل گۆر ژێده‌ره‌كه‌ تایبه‌ت ژ ئاركێ ره‌ راگهاندیه‌ راگهاند كو هن گرووپ ژ گوندێن عه‌فرینێ ده‌ركه‌تنه‌ وتێ گۆمان كرن كو دێ به‌شداریێ د شه‌رێ توركیێ ل هه‌مبه‌ر باژارێن كوردستانا سووریێ ده‌ بكن .

ژێده‌رێ ته‌كه‌ز كر كو لڤ وته‌ڤگه‌را وان گرووپان د ناڤ هن گوندێن عه‌فرینێ ده‌ لاواز بوویه‌ لێ ل ناڤه‌ندا باژارێ عه‌فرینێ هین هه‌بوونا وان گرووپان به‌رچاڤ وزێده‌یه‌ .
ش.ع

608