ئارتێشا عێراقێ ژمارەیەك چەكدارێن پەكەكە ل شنگالێ دەستەسەركرن
آرك نيوز.. هێزەكە ئارتێشا عێراقێ ژمارەیەك چەكدارێن پەكەكە لە سنووری شنگالێ دەستەسەركرن، ئەوژی ب سەدەما كو چەكدارێن پەكەكە بەردەوامبوون ل هەرسانكرنا وەلاتیان وهێزێن ئەمنی یێن عێراقێ دە.
ژێدەرەكە ئەمنیا عێراقی ئەشكەرەكر كو چەكدارێن پەكەكە یێن هاتنە دەستەسەركرن ، بەناڤێ هێزا یەبەشە لە شنگالێ هاتبوونە بجیكرن، و دەست ل سەر چەك و ئۆتۆمبێلێن وان هاتە دانین.
ل گۆری ژێدەرا ئەولەهی چەكدارێن پەكەكە هاتبوونە ئاگەهداركرن كو ئیدی ل سینوورێ شنگالێ نەمینن، وناڤچەیێ بجی بهێلن، ودەستەسەركرنا چەكدارێن یەپەشە ژ ئالیێ ئارتێشا عێراقێ ڤە پشتی وێ چەندێ تێ كو چەكدارێن یەپەشە چەندین كریارێن بێزاركەر ئەنجامدان.
وەكە ژێدەرێن ئەولەهی ژ ئارتێشا عێراقێ راگەهاندنە كو سەركردیێن پەكەكە ل شنگالێ داخواز ژ ئارتێشا عێراقێ كرن كو جارەكە دن چەكێن چەكدارێن پەكەكە رادەست بكن، ول هەمبەر دە چەكدارێن پەكەكە وێ ناڤەندا باژارێ شنگالێ ب جی بهێلن، ووێ ل دەردۆرا ناحیەیێن سەر ب شنگالێ ڤە بجی بنن.
شرۆڤەكارێن سیاسی دبێژن كو چەكدارێن پەكەكە رەوشا شنگالێ گەلەك خراب كرنە، وپەكەكە چەندین گرووپێن چەكدار یێن جۆر ب جۆر ل شنگالێ ئاڤاكرنە، وپیلانێن وەلاتێن هەرێمی ل شنگالێ بجی دكن.
وەكە ئدریس زۆزانی بەرپرسیارێ راگەهاندنا لقێ شنگالێ ییێ پارتیا دیموكراتا كوردستانێ دبێژە پەكەكە ب ئانینا زارۆكێن كوردێن رۆژئاڤایێ كوردستانێ بۆ شنگالێ وپەروەردەكرنا وان ، شنگال بوویە ناڤەندەكە لەشكەریا پەكەكە.
هەروەها بەرپرسیارێ پارتی بێژە كو پەكەكە ل دژی ڤەگەرا پێشمەرگەیێن كوردستانێ یە بۆ شنگالێ، وبەردەوام پیلانان ل دژی پارتیا دیموكراتا كوردستانێ وئەندامێن وێ دادرێژە.
وژئالیێ خوەڤە سلێمان حەسەن بەرپرسیارێ ناڤچەیا شنگالێ یا پارتیا دیموكراتا كوردستانێ راگەهاند كو پەكەكە ل سەر بنپێكرنان وخوە سەپاندنێ ل شنگالێ بەردەوامە, وئێڤاریا رۆژا یەكشەمێ دخوەست خوەنیشاندانەكێ ب خەلكێ بكە تاكو داخوازا دانینا پەیكەرەكە چەكدارەكی پەكەكە كو ل شنگالێ هاتیە كوشتن بكن.
وەكە سلێمان حەسەن دبێژە ئارتێشا عێراقێ رێگری ل پەكەكە وئالیگرێن وێ كر ونەهشت ئەو خوەنیشاندانێ بكن وئاژاوەیێ دروست بكن وپەیكەر دەینن.
بەرپرسیارێ ناڤچەیا شنگالێ یا پارتیا دیموكراتا كوردستانێ گۆتژی پەكەكە هانا بۆ میلیسیێن حەشدا شەعبی بر تاكو ئارتێشا عێراقێ ب دانینا پەیكەرێ چەكدارێ پەكەكە رازی بكە.
454
