كریزا نەبوونا نان و ئارد لرۆژئاڤایێ كوردستانی بەردەوامە

ارك نيوز .. لرۆژئاڤایێ كوردستانی رۆژ ب رۆژ و كریزا نەبوونا نان و ئارد ئالۆزتر دبە ، هەڤدەمی راوەستاندنا كارێ تەڤایا نانخانەیێن تایبەت وسیاحی ل پرانیا باژار وباژارۆكێن رۆژئاڤایێ كوردستانێ ..

نوچەگهانێ ئاركی راگهاند كو بەریا نها ل باژارێ حەسەكێ ، ونها ل قامشلۆ و دیرك پرانیا خوەندانین نانخانەیێن تایبەت وسیاحی كارێ خوە راوەستاندنە بسەدەما گرانبوونا نرخی ئارد ژ ئالیەكی و نەبوونا ئارد ژ ئالیەكی دنڤە و ئەڤ یەك بوویە سەدەما خرابوونا رەوشێ ل تەڤایا باژار وباژارۆكێن رۆژئاڤایێ كوردستانێ ، كو وەلاتی د دەما نها دە خەما پەیداكرنا نانێ رۆژانەدەنە..

پیش چەند رۆژان ژبۆ هەمان سەدەمێ تەڤایا نانخانەیێن سیاحی ل حەسەكی كارێ خوە راوەستاندنبوون ،ونهاژی تانخانەیێن ل باژارێ قامشلۆ و دیرك هەم ژبەر بلندبوونا نرخێ كیسێ ئارد و هەم ژی نەبوونا ئارد ژ بەریا چەند رۆژان ڤە هاتنە راوەستاندن وهینژی د راوەستاندنێ دە بەردەوامن ..

وەكە نوچەگهانێ ئاركێ دایە خویاكرن كو بەریا دەركەتنا ڤێ كریزێ نرخی كیسی ئارد ب هەیشت هەزار وپینسەد لیرەیێن سوری بوو لێ پشتی بلندبوونا نرخێ دۆلارێ ئەریكی ئیدی نرخێ ئارد ژی گرانبوو و نها نرخێ یەك كیس ئارد لرۆژئاڤایێ كوردستانی ب چل وپێنج هەزار لیرەیی یە ئەگەر وەرە پەیداكرن ..

ل ئالیەكی دنژی ژیدەرێن تایبەت ژ ئاركی راگهاندنە كو تەڤی رۆژئاڤایێ كوردستانێ راستی كریزا نەبوونا ئارد ونان بوویە, رۆژانە بهتر ژ سەد تۆن گەنم بۆ ناڤچەیێن دبن دەستێ رژێما ئەسەد ە تێ ڤەگوهاستن , وبهتر ژ سەد وپێنجی تۆنی بۆ ناڤچەیێن دبن دەستێ گرووپێن چەكدار دە تێ ڤەگوهاستن...

هەروەها ژێدەرێن تایبەت دانەزانین كو بەرپرسیارێن رێڤەبەریا پەیەدە تو گوهدانێ نادنە رەوشا باژار وباژارۆكێن رۆژئاڤایێ كوردستانێ ونها وەلاتیێن رۆژئاڤایێ كوردستانێ د خەما پەیداكرنا نانێ رۆژانەدەنە..

وەكە ژێدەرێن تایبەت دبێژن كو پەیەدە بازرگانیێ ب نانێ رۆژانە یێ وەلاتیان دكە, وگەنم وەكە مادەیەكە بازرگانی ب كارتینە, وئارمانجا وێ سوودوەرگرتنە ژ فرۆتنا گەنم.

ئەڤە نە جارا یەكێ یەكە و كریزا نان وئارد لرۆژئاڤایێ كوردستانی دەردكەڤە هۆلێ ، كو د وەرزێ هاڤینێ دە كریزا نەبوونا نان وئارد پەیدا ببو ، و بسەدەما ڤێ یەكی رەوشا خەلكێن رۆژئاڤایێ كوردستانی گەلەكی خراب و ئالۆز ببو و نها جارەكە دن ئەڤ كریز پەیدا دبە و رەوشا خەلكێ رۆژ ب رۆژ ئالۆز و زەحمەت دبە و وەلاتی خەما پەیداكرنا نانێ زارۆكێ خوە دخون .

429