ناكوكێن قهسهدێ و صهناديد بهرێ ناڤبورى دده شامێ
ژێدهرهكی خوجههی راگهاند كو شیخێ هوزا شهمر حمیدێ دههام الجهربا بهرێ خوه دا شاما پایتهختا سووریێ ژ بو گفتوگویێ ب رێژیما سووریێ ره دهربارێ ئاڤاكرنا ههڤپهیمانیهك ههڤبهش دناڤبهرا ههردو ئالیان ده .
مالپهرا باس نیوز ل سهر زارێ ژێدهرهكی كو ناڤێ وی ئهشكهره نهكریه بهلاڤكریه كو حمیدێ دههام الجهربا سهروكێ هوزا الشهمر وچهكدارێن الصهنادید بتهنا خوه سهرهدانا شامێ كریه بێ ههماهنگیێ یان ئاگهدادركرنا پهیهدێ كو ئهڤ سهرهدان ب ههماهنگیا ئهفسهرێ حهشدا شهعبی عراقی فالح فهیاد هاته پێكئانین .
ل گوری زانیاریان كو دههام بهریا بهرێ خوه بده شامێ سهرهدانا عراقێ كربو و ل گهل ئهفسهرێ حهشدا شهعبی فالح فیاد جڤیا ژ بو لدارخستنا ههڤدیتنهكێ ل گهل رێژیما سووریێ ژ بو ئاڤاكرنا ههڤپهیمانیهك ههڤبهش كو ل جهێ ههڤپهیمانیا وان ب پهیهدێ ره بگره .
ههروهها هاته راگهاندن كو سهرهدانا دههام الجهربا ژ بو شامێ بو جهێ نهرازیبونا پهیهدێ بتایبهت كو بهریا نهها گهلهك ناكوكی ناڤبهرا چهكدارێن صناید وچهكدارێن پهیهدێ دهركهتبون .
ل گوری مالپهرا ناڤبوری كو ناكوكیێن چهكداێن سوریایا دیموقراتیك وپهیهدێ ژ ئالیهكی وصهنادید ژ ئالیهكی دن ل سهر پارهیێن كو تێن تهرخان كرن ژ چهكدارێن ناڤبوری ره ههروهها مژارا بلندكرنا ئالا صهنادید وگریدانا وێ یا راسته راست ب چهكدارێن سوریایا دیموقراتیك .
ژ بهر ناكوكیێن ناڤبوری ههروهها لهشكهركرنا نهچاری یا پهیهدێ كو بێهتری ههزار جوانێن شهمهر لهشكهر كرن حمیدی دههام الجهربا ههول دده ههڤپهیمانیهكێ ل گهل رێژیما ئهسهد ئاڤا بكه كو ل جهێ ههڤپهیمانیا وی ب پهیهدێ ره بگره بتایبهت پشتی بریارا ڤهكشاندنا ئهمریكی ژ سووریێ وگهفێن بهردهوام یێن توركیا ل سهر كوردستانا سووریێ .
545
