عەفرین... 11 كەس د تەقینا جندرێسێ دە بریندار بوون
آرك نيوز... د دویه‌مین رۆژا سالا نوو ده ته‌قینه‌ك ل ناڤه‌ندا ناڤچه‌یا جندرێسێ یا هه‌رێما عە‌فرینا رۆژئاڤایێ كوردستانێ روو دا, تێ ده زێده‌تری ده‌ه كه‌سان بریندار بوون, د ناڤ وان ده ژن و زارۆك ژی هه‌نه.
ژێده‌رێن خوه‌جهی ژ ئاركێ ره دانه زانین كو ته‌قین ژ ده‌رئەنجاما ئوتۆمۆبێله‌كه بۆمبرێژكری, ل سه‌ر رێیا سه‌ره‌كه یا جندرێسێ چێ بوو, تێ ده وه‌لاتیێن سڤیل بریندار بوون و زیانه‌ك مه‌زن گهشت جهێ بوویه‌رێ.
ژ ئالیێ خوه ڤه تیما به‌ره‌ڤانیا سڤیل كو ب كوم سپی تێنه ناسكرن ل سه‌ر رووپه‌لا خوه یا تۆرێن جڤاكی به‌لاڤ كر و راگهاند كو یا‌زده‌ه وه‌لاتیێن سڤیل بریندار بوونه, د ناڤ وان ده دو ژن و دو زارۆكن.
هه‌مان ژێده‌رێ ته‌كه‌ز كر كو تو كه‌س ژیانا خوه ژ ده‌ست نه‌دایه, و برینێن وه‌لاتیێن سڤكن.
ئه‌ڤ ته‌قین یه‌كه‌مین ته‌قینە ل ئە‌فرینێ روو دده, وه‌كه هه‌موو ته‌قینان تو ئالیه‌كی نه‌خستیه ستوویێ خوه ده, و به‌رپرسیاره‌تیا خوه رانه‌گهاندیه.
ش.ع
214
