پۆتین ب ئەنجومەنا ئەولەهیا روسی رە دەربارێ ئدلبێ جڤیا

ارك نیوز .. كرێملێنا روسی راگهاند كو دۆه سەرۆكێ روسیا بەریا هەڤدیتنا وی ب سەرۆكێ توركیێ رە ب ئەنجومەنا ئەولەهیا روسیا رە جڤیا و داوین پێشهاتەیێن رەوشا ئدلبێ و پەیوەندیێن ناڤبەرا روسیا و توركیێ دە كۆتوبێژكرن .

د كۆنگرەكی رۆژنەمەڤانی دە بەردەڤكێ سەرۆكاتیا روسیا دیمیتری بیسكۆف راگهاند كو هەڤدیتنا ناڤبەرا فلادیمێر پۆتین و رەجەب تەیب ئەردۆغان سەرۆكێ توركیێ ئیرۆ ل موسكۆ وێ تایبەتبە لسەر رەوشا باژارێ ئدلبێ یاكو رۆژ ب رۆژ ئالۆزتر دبە و دیتنا چارەسەریەكە بلەز ژ ڤێ رەوشەرێ رە .

هەروەها بیسكۆف سەرباركر وگۆت كو بریارە هەردوو سەرۆك بگهێژن هەڤتێگهەشتنەكە هەڤبەش دەربارێ رەوشا ئدلبێ وژبەر چێ رەوشا ئدلبێ ب ڤی ئاوایی لێ هاتیە و سەدەمێن وێ چنە و مەترسیێن كو وێ وەرنە دروستكرن چنە ، كو د داویێ دە هەردوو سەرۆك كاربن بگهێژن رێكەفتنەكە هەڤبەش ژبۆ چارەسەركرتا رەوشا ئدلبێ یا ئالۆز وڤێ رەوشی چارەسەربكن .

هەر دڤێ دەربارێ دە رەجەب تەیب ئەردۆغان سەرۆكێ توركیێ بەریا سەرەدانا خوە بۆ وەلاتێ روسیا راگهاندبوو كو ئەو پێشبینی دكە كو ڤێ جاری هەڤدیتنا وی ب پۆتین رە وێ ئەرێنی بە و بگهێژن چارەسەریەكێ بۆ راوەستاندنا شەر و تووندوتووژیێ ل باژارێ ئدلبێ.


د دەما داویێ و بتایبەتی بەریا هەڤدیتنا پۆتین و ئەردۆغان ل مۆسكۆیێ وەلاتێ روسیا لێدوانێن تووند لدژی روسیا راگهاند رادگهاندن و تومەتێن جور بجور ئاراستەیی توركیێ دكر .

دۆه ژی رۆژنامەیا ملییت یا توركی ئەشكەرەكربوو كو جڤینا ناڤبەرا پۆتین و ئەردۆغان دەربارێ ئدلبێ وێ یەكئالیكەربە هەڤدەمی رژدبوونا ئەنقەرا لسەر هەلوێستا خوە دەربارێ ڤەكشانا هێزێن رێژیما ئەسەد ژ باژارێ ئدلبێ لگۆری رێكەفتنا سوتشی یاكو دناڤبەرا هەردوو وەلاتان دە هاتیە ئمزەكرن .

هەمان رۆژنامەیێ بال كشاند سەر گوهەرتنا هەلۆیستا روسیا دەربارێ ئدلبێ كو لگۆری روسیا دبێژە كو هەڤكێشا میدانی ل وی باژارێ هاتیە گوهەرتن وتەكەز كر كو هەڤدیتنا ناڤبەرا هەردوو سەرۆكان گەلەكی گرنگە بتایبەتی كو توركیێ دەست ب ئۆپەراسیۆنا خوە یا بناڤی مەرتالا بهارێ لدژی رێژیما ئەسەد ل ئدلبێ كریە .

446