داوین پێشهاتەیێن میدانی ل ئدلبێ

ارك نیوز .. لباژارێ ئدلب وگوندەوارێن وێ شەر وچەڤچون ژ ئالیەكی و تۆپباران و بومبەبارانكرن ژ ئالیەكی دنڤە ژ ئالیێ بالافرێن شەر یێن ریژیما ئەسەد و روسیا بەرەوامن هەری داوی ژی ئارمانجكرنا ناڤەندا باژێر وهن باژار و باژارۆكێن دن ب چەند مووشەكەكی ، كو د ئەنجامێ دە هەژمارەك كەس بوونە قربانی .

چالاكڤانێن دناڤا ئدلبێ دە راگهناندن كو ئیرۆ دانێ سبەهێ بالافرێن شەر یێن روسی ب چەند مووشەكەكی ناڤەندا باژارێ ئدلبێ لباكورێ سوریێ بتوندی بومبەبارانكر و د ئەنجامێ دە هەیشت وەلاتیێن سڤیل كو پرانیا وان زارۆكن هاتن كوشتن و بێهتری پازدە كەسێن دن برینداربوون .

وەكە هەمان چالاكڤانان دانە خویاكرن كو بالافرێن شەر یێن روسی ب مەبەست ئاڤاهیێن سڤیلان دكە ئارمانج كو چەڤە چەند جارن ناڤەندا باژێر كو دبستان و ناڤەندێن تەندروستی و خوەزمەتگوزارێی ژی لخوە دگرە راستی ئێریشێن تووند ژ ئالیێ بالافرێن شەر یێن ریژیما سوریێ و روسیێ تێ كو د ئەنجاما وان ئێریشان دە زیانێن جانی و مادی مەزن تێنە روودان.

تیما بەرەڤانیا سڤیلا سوری ژی ئەشكەرە كر كوك و دۆه ئێڤاری بالافرێن شەر یێن روسی باژارۆكێ الفوعە لگوندەواڕی ئدلبێ ب چەند ئۆپەراسیۆنێن ئەسمانی بومبەبارانكر و دا زانین كو د ئەنجاما وێ ئێریشا هۆڤانە دە نەه وەلاتیێن سڤیل جانێ خوە ژ دەست دان لگەل برینداربوونا ب دەهان كەسێن دن .

هەمان تیمێ دا زانین كو كامپەكە دەربەدەران ژی لنێزیكی گوندێ عدوان ل دەڤەرا سهل الروج لرۆژئاڤایێ گوندەوارێ ئدلبێ هاتە ئارمانجكرن بێ كو زیانێن وێ ئێریشێ وەرە زانین.



ژ ئالیێ خوەڤە ژی رەوانگەها سووریێ یا مافێ مرۆڤان ئەشكەرەكر كو بالەفرەكە جەنگیا رژێما ئەسەد ژ ئالیێ بالەفرەكە جەنگیا توركیا ڤە ل ئدلبێ هاتە خوارە , وبالەفرا شەر یا توركیا ژ جۆرێ ئێم شازدە بوو , وژئالیێ خوەڤە رژێما سووریێ كەتنا بالەفرا خوە یا جەنگی پشتراستكر .

وەكە هاتیە راگەهاند كو ژ دەستپێكا شەر وپەڤچوونان ناڤبەرا رژێما سووریێ وتوركیا دە ئەڤە دوەم جارە توركیا بالەفرێن شەر یێن رژێما ئەسەد ئانینە خوارێ .

398