پشتی ئێریشا ریژیمێ بۆ سەر هێزێن توركی پۆتین و ئەردۆغان رەوشا ئدلبێ كۆتوبێژكرن

ارك نیوز .. دەرەنگیا شەڤا بووری بالافرێن شەر یێن رێژیما ئەسەد ب پشتەڤانیا روسیا هێزێن توركیێ ل ئدلبێ ئارمانج كرن و د ئەنجاما وێ ئێریشێ دە سی وسێ لەشكەرێن توركی هاتنە كوشتن و بدەهان لەشكەرێن دن برینداربوونە ، ب ئامبۆلانسان ژبۆ نەخوەشخانەیێن هاتایا توركی هاتن ڤەگوهەستن

دڤێ دەربارێ دە پارێزەرێ هاتای ئەشكەرە كر وگۆت كو د ئێریشا رێژیما ئەسەد بۆ سەر هێزێن ئارتیشا توركیێ ل ئدلبێ د شەڤا بووری دە سیه و سیه لەشكەرێن وان هاتنە كوشتن و ب سیه و دوو لەشكەر ب گرانی برینداربوونە وژبۆ نەخوەشخانەیێن هاتای هاتنە ڤەگوهەستن .

ژئالیێ خوەڤە خلوسی ئەكار وەزیرێ بەرگریا توركیێ ئیرۆ ئینێ راگهاند كو تەڤی هەماهەنگیا میدانی ناڤبەرا مە و هێزێن روسی دە ل ئدلبێ هێزێن ئارتێشا توركیێ ژ ئالیێ بالافرێن شەر یێن رێژیما سورێێ ب پشتەڤانیا روسیا هاتن بومبەبارانكرن .

هەروەها ئەكار دا خویاكرن كو پشتی ئێریشا رێژیمێ بۆ سەر هێزێن توركی ل ئدلبێ ، ئارتێشا توركیێ بتوندی بەرسڤا وێ ئێریشێ دا و بنگەهێن ریژیمێ ئارمانج كر و د ئەنجامێ دە سێسەد و نەه چەكدارێن رێژیمێ هاتن كوشتن و بێهتری پێنج بلافرێن وان یێن شەر و چل و شەش تانك و تۆپخانەیێن ریژیمێ ژی هاتن تیك برن .

هەروەها وەزارەتا بەرەڤانیا روسیا ژی پشتی ئەنجامدانا ئێریشا رێژیمێ یا دۆه بۆ سەر هێزێن توركی ل ئدلبێ داخویانیەك بەلاڤ كر وتێدە راگهاند كو روسیا ئەڤ ئێریش پێك نەئانیە و بالافرێن وان یێن شەر توو باراگەهێن ئارتێشا توركیێ ل ئدلبێ نەكرنە ئارمانج .

وەكە وەزارەتا بەرەڤانیا روسیا د داخویانیا خوە دە ئەشكەرە كریە كو گروپێن چەكدار ل ئدلبێ هەوول دان ئێریشی سەر ئارتێشا رێژیمێ سوریی بكن و ئارتیشا سورێێ ژی بەرسڤ دا و جهێن وان چەكداران بومبەبارانكرن .

وەزارەتا روسی هەروەها ئاماژە ب وێ چەندێ كر كو ئەنقەرا ئاگاهی نەدایە روسیا كو هێزێن وان ل ئدلبێ نە .

پشتی رۆژەكێ ژ كۆشتنا سیه وسیه لەشكەرێن توركی ل ئدلبێ ژ ئالیێ رێژیما ئەسەد ڤە سەۆكێ روسیا و سەرۆكێ توركیێ پەیوەندیەك تەلیفۆنی ئەنجام دان .


ئیرۆ دیمیتری بیسكۆف بەردەڤكێ كڕیملێنا روسی راگهاند كو ئیرۆ رەجەب تەیب ئەردۆغان سەرۆكێ توركیێ و قلادیمێر پۆتین سەرۆكێ روسیا د رێێا پەیوەندیەك تەلیفۆنی دە داوین پێشهاتە یێن ئدلبێ كۆتوبێژكرن و تەكەزی لسەر زێدەكرنا كۆتوبێژی و هەماهەنگیان دەربارێ سوریێ ناڤبەرا هەردوو وەلاتان دە كرن .

بیسكۆف ئەشكەرە كر وگۆت كو هەردوو سەرۆك د هەمان پێیوەندیا تەلیفۆنی دە لسەر ئەنجامدانا هەڤدیتنەكێ د زوترین دەم دە ژبۆ دیتنا چارەسەریەكێژ رەوشا ئدلبێ رە رێكەفتن وبریارە ئەو هەڤدیتن د دەمژمێرێن بێ دەبە .

263