توركیێ وروسیا د دەربارێ دەستنیشانكرنا كێماسیان د نەخشەریێا ئدلبێ بەردەوامن

ارك نيوز ... سەرۆكێ توركیێ راگهاند ئەو لگەل روسیێ دەربارێ پرسا ئدلبێ د گۆتوبێژیان دەنە و ئەو كۆتوبێژی وێ بەردەوامن تا چارەسەریەك ژ رەوشا ئدلبێ رە وەرە دیتن .

رەجەب تەیب ئەردۆغان سەرۆكێ توركیێ د كۆنگرەكی رۆژنەمەڤانی دە راگهاند كو ئەوێ د پەیوەندی و هەڤدیتنێن خوە دە لگەل هەڤشانێ خوە سەرۆكێ روسیێ فلادیمێر پۆتین رە بەردەوامبە ژبۆ دەستنیشانكرنا كێماسیێن د نەخشەریێا ئدلبێ رە وگۆت بریارە سبە چارشەمێ شاندا روسی سەرەدانا توركیێ بكە ژبۆ كوتوبیژكرنا داوین پێشهاتەیێن ئدلبێ ژبۆ دیتنا چارەسەریەك بلەز ژ رەوشا ئدلبێ رە .

ئەردۆغان سەربار كر وگۆت ژی كو د ئاستا هری بلند دە روسیا پشتەڤانیا هێزێن ڕیژیما ئەسەد دكە تەڤی كو روسیا هەر جار ڤێ یەكێ رەد دكە لێ بەلگە لجم مە هەنە كو روسیا ب هەموو كارینێن خوە پشتەڤانیا رێژیمێ دكە وتەكەز كر ئەو و پۆتین د پەیوەندی و هەڤدیتنێن خوە بەردەوامن ژبۆ نەرخاندنا و دەستنیشانكرنا كێماسیان دەربارێ نەخشەرییا ئدلبێ .

بەریا دوو رۆژان سەرۆكێ توركیێ راگهاندبوو كو د سەرێ مەها بێ دە وێ لۆتكەیەگك چار ئالی ناڤبەرا توركیێ و روسیا و ئەلمانیا و فەرەنسایێ دە ل استەنبوولێ وەرە لدارخستن ژبۆ دیتنا چارەسەریەكێ ژ رەوشا ئدلبێ رە د زوترین دەم دە .

ژ ئالیێ خوە ژی سێرگی لاڤرۆف وەزیرێ دەرڤە یێ روسیا گۆتبوو نها وەلاتێ وی ئامادەكاریان ژبۆ دەسپێكرنا گەرەكە نوو ژ دانوستاندنان رە دكە كو جارەكە دن هەردوو شاندێن سەربازی یێن روسی و توركی دەست ب كۆتوبێژیێن خوە بكن دەربارێ رەوشا ئدلبێ و چارەسەریەك بلەز ژ روشێ رە وەرە دیتن .

تەڤی دروستبوونا ناكوكی و كرژیان ناڤبەرا وەلاتێ توركیێ و روسیێ دە دەربارێ ئدلبێ و بەردوامیا روسیی د ئارمانجكرنا باژارێ ئدلبێ و خالێن توركی یێن چاڤدێریێ لێ تەڤێ ڤێ یەكێ هینژی هەردوو ئالی پەیوەندی و هەڤیتنان ئەنجام ددن و رەوشا ئدلبێ كۆتووبێژدكن بێكو تا نها توو چارەسەریەك ژ رەوشا ئدلبێ رە وەرە دیتن .

550