نەتەوێن یكگرتی : د هەیڤا بووری دە 389 هەزار سڤیل پەریشان بوونە
ارك نیوز .. نەتەوێن یكگرتی راگهاند كو ژبەر بەردەوامیا ئۆپەراسیۆنا لەشكەری یا رێژیما ئەسەد ب پشتەڤانیا روسیا لسەر باژارێ ئدلبێ ب دەهێن هەزاران وەلاتیێن سڤیل پەریشان و دەربەدەربوونە .
د كۆنگرەكی رۆژنەمەزانی دە ستیڤان دۆجاریك بەردەڤكێ ئەمیندارێ گشتی یێ نەتەوێن یكگرتی گۆت كو ژبەر بەردەوامیا بومبەبارانكرن وتۆپباارانكرنا رێژیم و روسیی لسەر باژار و باژارۆكێن ئدلبێ وگوندەوارێن وێ دە ، د حەفتیا بووری دە تەنێ نێزی سیه هەزار سڤیل ژ ئالێی شەرپەزە و دەربەدەربوونە .
هەروەها دۆجاریك سەربار كر وگۆت كو ژ دەسپێكا بەرچلیێ واتە د هەیاما مەهەكێ دە نێزی سیسەد و هەیشتی و نەه كەس ژبەر ئێریشێن رێژیم و روسیی مالێن خوە بجه هشتنە و دەربەدەربوونە .
دۆجاریك دا زانین ژی كو ژ وێ ژمارەیی رێژیا هەیشتی ژ سەدی ژن و زارۆكن وبتەنێ د حەفیا بووری دە سیه هەزار سڤیل ژ ئدلبێ بەریشان بوونە و د رەوشێن مرۆڤی خراب دە دژین .
هەر دەرباری ئامارین قربانیین ئێریشێن رێژیما ئەسەد وروسیا بەردەڤكی ئەمیندارێ گشتی یی نەتەوێن یكگرتی د هەمان كۆنگرێ خوە دە ئەشكەرەكر كو ژ نیسانا سالا دەرباسبووی ژ دەما دەسپێكرنا ئۆپەراسیۆنا لەشكەری یا رێژیمێ یا ڤێ داویی لسەر دەڤەرا كێمكرنا ئاستێ شەر ل ئدلبێ و تا نها هەری كێم 1500 وەلاتیین سڤیل كو دناڤ وێ ژمارەیی دە 430 زارۆك و 290 ژن هەنە هاتنە كوشتن.
دۆجاریك سەربار كر وگۆت ئەم ب بەردەوامی داخوازا راوەستاندنا شەر و تووند و تووژیێ ل باژارێ ئدلبێ ژ تەڤایا ئالیێان رە دكن بتایبەتی ئالیێن كو هەژموونا وێ ل دەڤەرێ هەیە هەورەها گەرەنیا پاراستنا سڤیل و ژێرخانەیان دكن ئەوژی لگۆری یاسایا مرۆڤاهیا ناڤدەولتی.
ژ مژدارا سالا دەرباسبووی ڤە و تا نها زێدەتری 502 هەزار سڤیل ژ ئدلبێ ژبەر ئیریشێن رێژیم و روسیی یێن تووند و هۆڤانە لسەر ئدلبێ وگوندەوارێن وێ مالێن خوە بجه هشتنە وبەرێ خوە دانە دەڤەرێن ئارام تر یان ژی دەڤەرێن سینۆری ب توركیێ رە .
298
