ئه‌نه‌كه‌سێ داخویانییه‌ك به‌لاڤ كر
آرك نيوز .. د 9 جۆتمه‌ها 2019ان ده هێزێن توركیێ ب بشته‌ڤانییا گرووپێن چه‌كدار یێن ناڤ ل خوه دكن ئارتێشا نشتیمانی گه‌ڤێن خوه ل سه‌ر چه‌كدارێن پارتیا یه‌كیتیا ده‌مۆقراتیك په‌یه‌دێ بجی ئانین و ده‌رباسی سینۆرێ هن هه‌رێمێ رۆژئاڤایێ كوردستانێ بوون .
ئه‌ڤ ده‌رباسبوون وه‌ك بنپێكرن ژ یاساێن ناڤده‌ولتی ره هاتن .. د ئه‌نجامێ ده هژماره‌ك ژ وه‌لاتییان شه‌هید و بریندار بوون، هه‌روه‌ها پێله‌ك ده‌ربده‌ریێ ژ باژار و گوندێن كو ئۆپه‌راسیونا له‌شكه‌ری تێده ل خوه دگره ده‌ست پێكریه .. وئه‌و یه‌ك ب تایبه‌تی به‌شداربوونا گرووپێن چه‌كدار جوره‌ك ژ دلگرانی و مه‌ترسیێ ل جه‌م خه‌لكێ هه‌ریمێ ب هه‌موو پێكهاته‌یێن خوه جێكر . ژبه‌ر كو ئه‌و گرووپ دیرۆكه‌كه تاری و داگرتی ژ تاوانان ل عه‌فرینێ ژ كوشتن و دزی و ده‌سته‌سه‌ركرنا مالێن سڤیلان تۆماركرنه .
به‌شداربوونا وان گرووپان ب پشته‌ڤانییه‌كێ ژ ئتلافێ تێ، كو ئه‌ڤ پشته‌ڤانی ئه‌نجومه‌ن شه‌رمه‌زار دكه، ژ به‌ر كو ل به‌رۆڤاژی تێگهشتنا كو ناڤبه‌را ئه‌نكه‌سێ و ئتلافێ ده‌ربارێ هه‌رێمێن كوردی ده هاتیه ئیمزه‌كرن تێ .
ئه‌نه‌كه‌سێ ئێریشا توركیێ شه‌رمه‌زار دكه، یاكو وه‌ك تحدییه‌ك ژ رایا ئالیێن ناڤدولتی یێن كو ئه‌ڤ ئێریش د گاڤێن یه‌كه‌م ده شه‌رمه‌زار كرنه .. د ده‌مه‌كێ تێ كو توركیێ هه‌ولا خوه ژ بۆ ڤه‌گه‌راندنا په‌نابه‌رێن سووریێ دكه، د ئه‌نجامێ ده دێ گوهه‌رتنه‌ك ده‌مۆغرافی چێ ببه .
ئه‌نكه‌سێ بانگ ل جڤاكا ناڤده‌ولتی و نه‌ته‌وێن یه‌كگرتی و وه‌لاتێن عه‌ره‌بی دكه كو به‌رپرسیارتیا خوه ژ راوه‌ستاندنا ئیریشێن له‌شكه‌ری راكن، كو ئه‌و ئیریش ره‌وشا مرۆڤی و هاوه‌رچوونێ زحمه‌تتر دكه، هه‌روه‌ها بانگا دیتنا چاره‌یا ئاشتییانه داكو ئه‌وله‌هی و سه‌قامگریی ، د ناڤ ده دیتنا چاره‌یه‌ك دادوه‌رانه ژ دۆزا كوردی ل سووریێ وه‌ره جیبجیكرن دكه .
هه‌روه‌ا بانگ ل په‌یه‌دێ دكه كو ده‌ست ژ سیاسه‌تێن خوه به‌رده كو توركیێ وه‌ك بهانه ژ خوه ره دبینه، و بانگ ل چه‌كداران دكه ژ تاخ و جهێن سڤیلان دووربكه‌فن و وه‌ك قادێن شه‌ر ب كارنه‌یێنن داكو سیڤل نه‌بن قربانی .
ش.ع
262
