كوالسیۆنا ئۆپۆزسیۆنێ: بەرهەڤكرنا دەستوورەكە نوو ژبۆ سووریێ ب تەنێ نكارە ڤەگوهەستنا سیاسی یا راستەقینە بجی بینە

هەڤپەیمانیا نشتیمانی یا هێزێن شۆرەش و ئۆپۆزسیۆنا سووریێ گۆت بەرهەڤكرنا دەستوورەكە نوو ژبۆ سووریێ ب تەنێ نكارە ڤەگوهەستنا سیاسی یا راستەقینە بجی بنە.

دوه دەستەیا سیاسی یا هەڤپەیمانیا ئۆپۆزسیۆنا سووریێ جڤاتەكە خوە یا ئاسایی لدارخست و تێ دە ئەنجامێن كارێن ئۆفیس و كۆمیتەیان، سەرباری هەڤدیتنێن ڤێ داویێ كو هەڤپەیمانیا ئۆپۆزسیۆنێ دەربارێ پێشهاتەیێن سیاسی و مەیدانی ئەنجامدانە، هاتنە گەنگەشەكرن.

د جڤینا دەستەیا سیاسی یا هەڤپەیمانیا ئۆپۆزسیۆنا سوورسیێ دە تەكەزی لسەر دیتن و پێنگاڤێن كو دێ ژبۆ وێ یەكێ كار ژ ئالیێ كوالسیۆنێ ڤە وەرە كرن، هات كرن، ژ وان خالان ژی:

-گرنگیا بسەرخستنا ئەزموونا رێڤەبەریێ ل ناڤچەیێن ژێر كۆنترۆلا ئۆپۆزسیۆنێ
-پشتەڤانیا حكوومەتا سووریێ یا دەمكی ژبۆ ئاڤاكرنا ئارتێشەكە نشتیمانی و پێشخستنا خزمەتگوزاریان
-دانینا پلانەكە تەڤاهیدارانە وەكە ئامادەكاری ژبۆ پرۆسەیا هلبژارتنێ بسەرپەرەشتیەكە ناڤدەولەتی
- بەرهەڤكرنا دەستوورەكە نوو ژبۆ سووریێ ب تەنێ نكارە ڤەگوهەستنا سیاسی یا راستەقینە لگۆری بەیانامەیا جنێڤێ و بریارا 2254 بجی بینە.

د وێ جڤینێ دە هەروەها دەرئەنجامێن سەرەدانا ژبۆ واشنتون و نیۆیۆركێ د چارچۆڤەیا جڤینێن كۆمەلەیا گشتی یا نەتەوەیێن یەكگرتی دە و تەكەزی لسەر گرنگیا بجیكرنا بریارا 2254 بتەڤاهی لگۆری خشتەیەكە گاڤ ب گاڤی یا دەمێ كو ژ دەستەیەكە حكومرانیێ یا ڤەگوهێز دەستپێ دكە، هاتن گەنگەشەكرن.

222