دوبارە ئەردوغان گەفا ئەنجامدانا ئۆپەراسیۆنا لەشكەری ل رۆژئاڤایێ كوردستانێ دكە
آرك نيوز...سەرۆكێ توركیا دبێژە كو ئیدی سەبرا توركیا دەربارێ ئاڤاكرنا ناڤچەیا ئارام ل رۆژئاڤایێ كوردستانێ نەما , وئەگەر هەیە ئۆپەراسیۆنا لەشكەری یا توركی ل رۆژهلاتێ چەمێ فەراتێ وەرە ئەنجامدان
د گوتارەكێ دە رەجەب تەیب ئەردوغان سەرۆكێ توركیا راگەهاند كو ب تەنێ ریێا ئەنجامدانا ئۆپەراسیۆنا لەشكەری ل رۆژهلاتێ چەمێ فەراتێ ل پێشیا توركیا مایە داكو ناڤچەیا ئارام وەرە ئاڤاكرن, وئیدی توركیا نكارە چاڤەریا ئەمریكا بكە ژ بۆ ئاڤاكرنا ناڤچەیا ئارام .
ئەردوغان گۆت كو توركیا پابەندە لگەل ئەمریكا ناڤچەیا ئارام ئاڤا بكە , لێ وەكە تێ خویاكرن توركیا ب تەنا خوە وێ ناڤچەیا ئارام ئاڤا بكە , وچاڤەریێا تو ئالیەكی نادە , وپێنگاڤێن توركیا یێن تاك ئالی ژبۆ ئاڤاكرنا ناڤچەیا ئارام وێ بكەڤنە وارێ جیبجیكرنێ دە .
سەرۆكێ توركیا تەكەز وگۆت كو ئارمانجا توركیا ب ئاڤكرنا ناڤچەیا ئارام , ب جیكرنا دو مەلیۆن پەنابەرێن سووریە ل رۆژهلاتێ چەمێ فەراتێ , وئەو ناڤچەژی دڤە كووراهیا وێ 30 كیلۆ متر بە .
رەجەب تەیب ئەردوغان گۆت كو توركیا پشتەڤانیا یەكپارچەییا خاكا سووریێ دكە , ژ بەر ب یەكپارچەییا خاكا سووریێ مەترسی ل سەر توركیا نامینن , ووێ ببە سەدەمەكی ئەرێنی ژ بۆ ڤەگەرا پەنابەران .
سەرۆكێ توركیا تەكەزكر كو ئەو رێ نادنە وەلاتێن ناڤدەولەتی یێن كو ب مەبەست وپلان وئارمانج هاتنە دەڤەرێ دەستێوەردانێ د چارەنڤیسا گەلێ سووریێ دە بكە.
وژئالیێ خوەڤە بەردەوام ئەمریكا دبێژە كو كارڤەدانا تاك ئالی د رۆژهلاتێ چەمێ فەراتێ دە قەبوول ناكن , وپێویستە تەڤایا تەڤگەرێ ب هەڤبەشی وەرە ئەنجامدان , وئەمریكا تەكەزیێ ل سەر وێ چەندێ دكە كو ئەو ریێ نادە تو ئالیەكی دەستێوەردانێ د رۆژهلاتێ چەمێ فەراتێ دە بكە .
617
