نهتهوێن يهكگرتى: 400 ههزار سڤيل ژ ئهنجاما ئێريشێن ئهسهد ورووسيێ دهربهدهر بوونه
آرك نيوز..نهتهوێن يهكگرتى دبێژه كو د ماوێ سێ مههان ده ودئهنجاما ئێريشێن رژيما ئهسهد ورووسيێ , ب سهدان ههزار سڤيل دهربهدهر بوونه.
دێڤێد سوانسۆن ژ ئۆفيسا ههڤرێزكاريا كاروبارێن مرۆڤى يا ب سهر نهتهوێن يهكگرتى ڤه داخوياكرن كو بهترى چارسهد ههزار سڤيل ژ مهها نيسانێ ڤه دئهنجاما بهرفهرهكرنا ئێريشێن رژێما ئهسهد ورووسيێ ل سهر گوندهوارێ ئدلب وحهمايێ دهربهدهر بوونه.
ههروهها د داخويانيا ئۆفيسا ههڤرێزكاريا ئاليكاريێن مرۆڤى ده هاتيه, كو پرانيا دهربهدهران ژ گوندهوارێ باشوورێ ئدلبێ وباكوورێ حهمايێ ب سهر ناڤچهنه كو بۆمبهبارانكرن ناكهێ وان, وناڤچهنه ههڤسنوور ب توركيا ره كو كامپێ دهربهدهران ل ورن, درهڤن.
داخويانيێ ئاماژه كربوو كو ههژمارا دهربهدهران ل وان كامپا بهرفهره بوويه ئهو ژى دبێ سهدهم كو گهلهك ژ وان ل دهرڤه بمينن, وگۆت كو نێزيكى سهد دبستانى ل باژارێ ئدلبێ دهربهدهران ل خوه دگرن, وباژارۆك وگوندن ب تمامى ژ نشتهجيێن خوه ڤالا بونه .
ژ ئاليێ خوهڤه ژى سهرۆكا كۆمسيۆنا بلند ئا مافێ مرۆڤان ئا ب سهر نهتهوێن يهكگرتى ڤه ميشال باشليێ , بێدهنگى وپشتگوهكرنا ناڤدهولهتى دهربارى پربوونا كوشتيێن سڤيل ژ ئهنجاما ئێريشێن ل سهر گوندهوارێ حهما وئدلبێ رهد كر .
تۆرا سوورى يا مافێ مرۆڤان د راپۆرتا خوه يا سالانه ده گۆتبوو كو : شهسهد وحهفتێ ههزار كهس د سالا دوههزار وهژدههان ده ژ بهر رژێما سوورى ورووسيێ دهربهدهر بوونه ,دناڤ وان ده سهد وسهـ وچار ههزار كهس ژ ئهنجاما رێكهفتن وگرێبهستێن ل دژێ ياسايا مرۆڤى.
.
1206
