ئەمەریكا و توركیێ داوین پێشهاتەیێن رەوشا سوریێ گفتوگۆكرن
ارك نیوز .. وەزارەتا دەرڤە یا ئەمەریكا د داخویانیەكە خوە دە راگهاند كو وەزیرێ دەرڤە یێ ئەمەریكا و وەزیرێ دەرڤە یێ توركیێ پەیوەندیەكە تەلیفۆنی ئەنجام دان و داوین پێشهاتەیێن رەوشا سوریێ و پرسا مووشەكێن ئس چارسەد وهن مژارێن دن گفتوگۆكرن .
بەردەڤكا وەزارەتا دەرڤە یا ئەمەریكا مۆرغان ئۆرتاگۆس راگهاند كو مایك پۆمبیۆ وەزیرێ دەرڤە یێ ئەمەریكا ومولود چاویش ئۆغلۆ وەزیرێ دەرڤە یێ توركیێ د وێ پەیوەندیا تەلیفۆنی دە داوین پیشهاتەیێن رەوشا سوریێ بگشتی ورەوشا هەردوو باژارێن منبجێ لگوندەوارێ حەلەبێ وباژارێ ئدلبێ لباكورێ سوریێ گفتوگۆكرن .
وەزارەتا دەرڤە یا ئەمەریكا هەروەها ئەشكەرە كر كو هەردوو وەزیران مژارا ئاڤاكرنا ناڤچەیا ئارام لرۆژهەلاتێ چەمێ فەراتێ ژی ب هووری كۆتوپێژكرن .
هەمان وەزارەتێ دا زانین كو پۆمبیۆ و ئۆغلۆ هەروەها بحسا پرسا مووشەكێن ئس چارسەد یێن روسی و بالافرێن ئف سیه وپینج یێن ئەمەریكی ژی كرن .
دەربارێ پرسا مووەكێن ئس چارسەد یێن روسی وەزاەرتا دەرڤە یا ئەمەریكا د هەمان داخویانیا خوە دە گۆت كو مایك پۆمبیۆ وەزیرێ دەرڤە یێ ئەمەریكا د وێ پەیوەندیێ دە نەرازیبوونا ئەمەریكا ژ كرینا وەلاتێ توركیێ ژ مووشكەێن ئس چارسەد یین روسی نیشان دا و بەرسڤ ب راگرتنا بەشداریا توركیی د پرۆگراما مووشەكێن ئف سیه وپێنج دا.
مۆرغان ئۆرتاگۆس بەردەڤكا وەزارەتا دەرڤە یا ئەمەریكا دا خویاكرن كو پۆمبیۆ جارەكە دن تەكەزی لسەر پابەندیا وەلاتێ خوە ب دیتنا چارەسەریەكێ دەربارێ پرسگرێكێن گرێدایی ب ئەولەهیا توركیی لسەر سینۆرێ وێ بسوریێ رە كر وگۆت كو ئەو جارەسەری و د زوترین دەم دە وەرە دیتن .
272
