ئەردۆغان : ئەم ئامادەكاریا پلانەكێ ژبۆ هەردوو باژارۆكێن تل رفعت وگرێ سپی دكن

ارك نیوز .. سەرۆك كۆمارێ توركیێ دبیژە نها وەلاتێ توركیێ ئامادەكاریان ژبۆ ڤەگوهەستنا هەردوو باژارۆكێن گڕی سبێ ل رۆژئاڤایێ كوردستانێ و تل رفعەتێ لگوندەواری حەلەبێ ژبۆ ناڤچەیەكە ئارام دكە .

رەجەب تەیب ئەردۆغان سەرۆكێ كۆمارا توركیێ دۆه یەكشەمێ د گۆتارەكێ دە راگهاند كو بئارمانجا ڤەگوهەستنا هەردوو باژارۆكێن گرێ سپی و تل رفعەتێ ژبۆ ناڤچەیەكە ئارام وەلاتێ توركیێ ب پێنگاڤێن جاڤەرێكری و ئامادەكاران ژبۆ ڤێ مەبەستێ دكە .

هەروەها ئەردۆغان د هەمان گۆتارا خوە دە دە گۆت كو وی د داوین هەڤدیتنێن خوە دە لگەل سەرۆكێن وەلاتێ روسیا و ئەمەریكا و المانیا ئەڤ مژار لگەل وان كفتوگۆكریە و بحسا ئامادەكاریێن توركیێ وپێنگافێن كو وێ پێ رادبە ژبۆ ڤەگوهەستنا هەردوو باژارۆكێن ناڤبووری بۆ ناڤچەیەكە ئارام بكووراهیا سیه تا چل كیلۆمتری كر.

هەر لگۆری ئاژانسا ئانادۆل یا نووچەیان دایە خویاكرن كو ئەردۆغان د وان هەڤدیتنێن خوە دە لگەل سەرۆكێن هەرسی وەلاتێن ناڤبووری داخوازا پشتەڤانیا لۆجستی و ئەسمانی ژبۆ پلانا توركیێ ل دەڤەرێ كریە .

هەمان ئاژانسێ دا زانین كو سەرۆكێ كۆمارا توركیی تەكەزی لسەرئاڤاكرنا مالێن نوو ل ناڤچەیا ئارام كریە داكو پەنابەرێن سوری یین كو ل توركیی دمینن بكاربن ڤەگەرن دەڤەرێ ولێ بجه ببن .

رەجەب تەیب ئەردۆغان هەروەها دا زانین كو هەرسی سەرك رازیبوونا خوە دەرباری پێشنیارێن وی دانە دیاركرن لێ دەما كو ئەڤ پێشنیار بجه ببە وتێكە وارێ جیبجیكرنێ دە د وێ دەمێ دە دبێژن ئەو نكارێن توو ئالیكاریان پێشكێشبكن وپەرە نینن .

د وێ گۆتارێ دە رەجەب تەیب ئەردۆغان سەرۆكێ توركیی بحسا كووراهیا ناڤچەیا ئارام كر كو پێویستە ناڤچەیا ئارام بكوراهیا سیه تا چل كیلۆمتری بە .

ئەڤە پێنج رۆژن وئارتیشا توركیێ لڤ وتەڤگەرا وئارتێشا خوە لسەر سینۆرێ رۆژئاڤایێ كوردستانێ بهێزتر كریە و كارۆانێن لەشكەری كو ژ تانك و زەریپۆش ولەشكەر وهن ئالاڤێن لەشكەری یێن دن پێك تێ دشینە سەر سینۆرێ رۆژئاڤایێ كوردستانێ و بجه دكە .

231