هەڤپەیمانیا نشتیمانی یا ئۆپۆزسیۆنا سوریێ داخوازا راوەستاندنا شەر لباكورێ سوریێ دكە
ارك نیوز .. هەڤپەیمانیا نشتیمانی یا ئۆپۆزسیۆنا سوریێ داخویانیەك دەربارێ بەردەوامیا ئێریشێن ریژیما ئەسەد وروسیا لسەر دەڤەرێن لباكورێ سوریێ بەلاڤ كر وتێدە داخوازا دەستوەردانەك بلەز ژ جڤاكا ناڤدەولتی ژبۆ راوەستاندنا شەر ل دەڤەرێ كر.
هەڤپەیمانیێ د داخویانیا خوە دە داخواز ژ جڤاكا ناڤدەولتی و تەڤایا وەلاتیێن ب باندۆر كر كو دەستوەردانێ د زوترین دەم دە بكن و تەدابیرێن پێویست بستینن ژبۆ رێگریكرن ل فرینا بالافرێن شەركەر یێن ریژیما ئەسەد لسەر ئەسمانێ باكورێ سوریێ كو بریێا وان بالافران رێژیما ئەسەد سڤیلان ب ئاوایەكی راستەراست ئارمانج دكە و بەرمیلێن تەقینە داڤێژە وان .
هەروەها هەڤپەیمانیێ د هەمان داخویانیا خوە دە داخوازا ژ كارخستنا تەڤایا بالافرخانەیین كو بالافرێن شەركەر ژێ دفرە و بشداریێ د ئارمانجكرنا سڤیلان دكە و باژار وباژارۆكێن جودا جودا لباكورێ سوریێ دكە ئارمانج ژ تەڤایا ئالیین ناڤدەولتی كر .
هەڤپەیمانیا نشتیمانی یا ئۆپۆزسیۆنا سوریێ د وێ داخویانیێ دە تەكەزی لسەر پێویستیا پێشكەتنا میكانیزما لەشكەری كر ژبۆ بداویئانینا هەبوونا گروپێن چەكدار لسوریێ .
دەربارێ پرۆسەیا لەشكەری یا رێژیما ئەسەد وروسیا لسەر باكورێ سوریێ بتایبەتی باژارێ ئدلب و گوندەواری وی هەڤپەیمانیی گۆت كو رۆژ ب رۆژ و چەكدارێن رێژیما ئەسەد و روسیا ئێریشێن خوە لسەر باژار وباژارۆكان لباكورێ سوریێ بتایبەتی ل هەردوو گوندەوارێن ئدلب و حمایێ گوورتر دكە كو د ئەنجاما بەردەوامیا وان ئێریشێن توند رۆژانە قربانی ناڤبەرا كوشتی وبریندار دكەڤن دناڤ واندە زارۆك و ژن ژی هەنە چانێ خوە ژ دەست ددن سەرباری روودانا زیانێن مادی ل هەمان دەڤەرێ وگۆت ژبەر تووندبوونا ون ئێریشان ئەو پرۆسەیا لەشكەری بوو شەرەكی راستەقینە و ڤەكری ژ ئالیێ رێژیم و روسیا ڤە.
هەر لگۆری د وێ داخویانیێ دە كو چەكدارێن رێژیمێ ژ ئالیەكی و بالافرێن شەركەر یین روسیا ژ ئالیەكی دنڤە د دەما داویی دە بكێمانی شێست ئۆپەراسیۆنێن ئەسمانی پێكئانینە لسەر پێهتری پینجی باژار وباژارۆكێ كو ئارمانجا وانی سەرۆكە ژ ڤان ئێریشان ئەوە نەچاركرنا خەلكێن دەڤەرێ كو ژ دەڤ مال وملكێن خوە بەردن و دەربەدەریێ دەڤەرێن دن ببن ، وئاماژە كر كو ژ دەسپێكا پرۆسەیا لەشكەری لسەر باكورێ سوریێ و تا نها بێهتری 97404 مالبات دەربەدەربوونە .
444
