د بەردەوامیا ئەنجامدانا ئێریشان لسەر ئدلبێ هەژمارەك قربانی كەتن

ارك نیوز .. بەرەڤانیا سڤیل ئەشكەرە كر كو ژبەر تۆپباران وبومبەبارانكرنابەردەوام ژ ئالیێ هێزێن ریژیما ئەسەد لسەر باژار وباژارۆكێن لگوندەوارێ ئدلبێ دووازدە وەلاتیێن سڤیل جانێ خوە ژدەست دان وهەژمارەك كەسێن دنژی برینداربوون .

هەر لگۆری بەرڤانیا سڤیل بەلاڤكریە كو چەكدارێن رێژیمێ ب پێنج تۆپێن هاونێ گوندێ السحن لباكورێ باژارۆكێ قستوون ئارمانج كر و د ئەنجامێ دە شەش سڤیل هاتن كوشتن و دوو كەسێن دن برینداربوون .

هەمان ژێدەرێ دا زانین ژی كو د ئەنجاما بومبەبارانكرنا باژارێ معرە النعمان لگوندەوارێ ئدلبێ ژ بالافرێن شەركەر یێن رێژیمێ چار سڤیل دناڤ واندە زارۆك ژی هەبوون جانێ خوە ژدەست دان لگەل برینداربوونا هەیشت سڤیلێن دن وسەرباركر كو لگوندێ جدرایا و الزیادیە ژبەر ئێریشێن رێژیمێ لسەر دەڤەرێ دوو زارۆكەك هاتە كوشتن .

هەروەها بەرەڤانیا سڤیل ئەشكەرە كر كو باژارێ خان شێخون راستی دەه ئۆپەراسیۆنێن ئەسمانی هات و د ئەنجاما وێ ئێریشا تووند دە هەیشت سڤیل دناڤ واندە زارۆكەك و سێ ژن هەبوون بگرانی برینداربوون و ژبۆ نەخوەشخانەیین مەیدانی هاتن ڤەگوهەستن و گۆت كو لگوندێ مرج الزهور ژی هەژمارەك قربانی كەتن .

هەر لگۆری ژێدەرا ناڤبووری دایەخویاكرن كو ل هەر یەك ل باژارۆكێ كفرسجنە و سكیك و ابو حبە والتمانعە وچیایی الاربعین وارینبە و الشیخ مستەفی و كرسعە و هەژمارەك باژاروباژارۆكێن دن لگوندەوارێ ئدلبێ ب زێدەتری سیه وشەش ئۆپەراسیۆنێن ئەسمانیڤە هاتن ئارمانجكرن كو د ئەنجامێ دە زیانێن جانی و مادی مەزن روو دان .

ژ ئالیێ خوەڤە ژی تیما هەڤرێزكارێن بەرسڤدانێ د راپۆرتەكێ دە ئامارێن داوی یێن قربانیێن ئێریشێن رێژیما ئەسەد و روسیا لسەر دەڤەرێن جودا جودا لباكورێ سوریی ئەشكەر كر وگۆت كو ژ دەسپێكا ئۆپەراسیۆنا لەشكەری یا رێژیمێ لسەر باكورێ سوریێ و تا نها بیهتری نەهسەد و دووازدە سڤیل دناڤ واندە دووسەد وپینجی و هەیشت زارۆك ژی هەبوون جانێ خوە ژدەست دانە .

هەر لگۆری هەمان راپۆرتێ كو هەژمارا كەسێن كو ژ باكورێ سوریێ دەربەدەربوونە ژ دەسپێكا ئثیكانینا ئۆپەراسیۆنا لەشكەری یا رێژیمێ و تا نها گهشتیە (633118) ئانگۆ 97404 مالباتی .

294