كرێملێنا روسی: د رۆژێن بێ دە وێ لوتكەیەك سێ ئالی دەربارێ سوریی وەرە ئەنجام دان
ارك نيوز .. بەردەڤكێ سەرۆكاتیا روسیا ئەشكەرە كو بریارە د رۆژێن بێ دە لۆتكەیەك سێ ئالی دەربارێ سوریێ وەرە ئەنجام دان .
دۆه دووشەمێ د كۆنگرەكی رۆژنەمەڤانی دە دیمیتری بیسكۆف بەردەڤكێ سەرۆكاتیا روسیا راگهاند كو د هەڤدیتنا كو ناڤبەرا سەرۆكێ توركیێ رەجەب تەیب ئەردۆغان و فلادیمێر پۆتین سەرۆكی رویێ بەریا چەند رۆژان ل لوتكەیا جی بیست ل چاپۆنێ هاتە ئەنجام دان هەردوو سەرۆكان بحسا لدارخستنا لوتكەیەكە سێ ئالی ناڤبەرا روسیا و توركیێ و ئیرانێ دە دەربارێ سوریێ كرن .
هەروەها بیسكۆف ئەشكەرە كر كو هەردوو سەۆكان بجدی لسەر ئەنجامدانا ڤێ لۆتكەیێ راوەستیان وبریارە د رۆژێن بێدە ئەڤ لۆتكەیا سی ئالی وەرە لدارخستن داكو هەرسی ئالی داوین پێشهاتەیێن رەوشا سوریێ گفتوگۆبكن وگۆت كو د رۆژێن بێ دە وێ كرێملێنا روسی دەم و جهێ ئەنجامدانا ڤێ لۆتكەیێ دیار بكە بێ كو توو هوورگولی و ئاگاهیێن زێدەتر دەربارێ ڤێ جڤینا سێ ئالی بدە دیاركرن.
پشتی بداویهاتنا لۆتكەیا جی بیست ل چاپۆنێ رەجەب تەیب ئەردۆغان سەرۆكێ كۆمارا توركیێ ژ ئالیێ خوەڤە ژی ئەگەرا لدارخستنا لۆتكەیەكێ ناڤبەرا هەرسی وەلاتێن گەرەنتۆر دەربارێ دۆسەیا سوریێ راگهاندبوو.
هەر دڤێ دەربارێ دە رۆژنامەیا حرییەت یا توركی لسەر زارێ سەرۆكێ توركیێ ڤەگوهەست كو ئەردۆغان ل چاپۆنێ لگەل سەرۆكێ ئەمەریكا دۆنالد ترامپ و سەرۆكێ روسیا فلادیمێر پۆتین داوین پیشهاتەیێن رەوشا سوریێ بتایبەتی رەوشا باژارێ ئدلبێ و گوندەوارێ وی گفتوگۆكر و تەڤایا بوویەران لگەل وان نەرخاند و هەژمارەك تەدابیر ستاندن .
هەمان رۆژنامەیێ دا دیاركرن كو سەرۆكێ توركیێ گۆت ژی كو كو وی لگەل هەردوو سەرۆكان ژی ژبلی گەنگەشەكرنا رەوشا سوریێ بحسا لۆتكەیا سێ ئالی كریە وبریارە دڤێ مەهێ دە ئەڤ لۆتكە وەرە لدارخستن وئاماژە كر كو پشتی لۆتكەیا سێ ئالی دەربارێ سوریێ وێ لۆتكەیەكە چار ئالی ژی ل استانبۆلێ ناڤبەرا فرنسا و المانیا و توركیا و روسیا ژبۆ گەنگەشەكرنا دۆسەیا سوریێ وەرە لدارخستن.
273
