جێفری د گەرا خوە دە ژبۆ گەنگەشەكرنا رەوشا سوریێ بەردەوامە

ارك نیوز .. ژبۆ گەنگەشەكرنا دۆسەیا سوریێ لسەر ئاستا لەشكەری و سیاسی شاندەیێ ناڤدەولتی یی تایبەت ژبۆ سوریێ دەست ب گەرا خوە ژ هەژمارەك وەلات ئۆربی و عەرەبی كریە و دۆه گهشتە وەلاتێ ئوردنێ ژبۆ گەنگەشەكرنا رەوشا سوریێ .

كەنالا ئۆردنی یا فەرمی دۆه یەكشەمێ راگهاند كو جێمس جێفری شاندەیێ ئەمەریكی یێ تایبەت ژبۆ سوریێ گهشتە عەمانێ پایتەختا ئوردنێ و لگەل وەزیرێ دەرڤە یی ئۆردنێ ئەیمن السەفەدی رە جڤیا .

هەمان كەنالێ دا خویاكرن كو د وێ جڤینێ دە جێفری و السەفەدی داوین پێشهاتەیێن رەوشا دەڤەرێ بگشتی ویا سوریێ بتایبەتی گۆتووبێژكرن .

سەرەدانا شاندەیی جێفری بۆ ئۆردنێ ل ژێر گەرا وێ ژبۆ گەنگەشەكرنا رەوشا سوریێ تێ كو بەریا سەرەدانا وی ژبۆ ئۆردنێ ل فەرەنسا جڤینەك لگەل گروپا بچووك پیك ئانی و رەوشا سوریێ بگشتی گەنگەشەكرن كو د وێ جڤینێ دە ژی دەستەیا بلند یا دانوستاندكارا سوریێ بەشداربوو كو ژ ئالیێ خوەڤە سەرۆكێ دەستەیی نەسر الحریری داوین پێشهاتەیین رەوشا سوریێ بتایبەتی رەوشا دەڤەرێن لباكورێ سوریێ بتایبەتی باژارێ ئدلبێ پێشكێش كر.

پشترە جێفری بەرێ خوە دا برۆكسلێ پایتەختا بلجیكا و ب هەژمارەك بەرپرسیێن مەزن دناڤا هەڤپەمانیا ناڤدەولتی یا لدژی داعشێ رە جڤیا هەروەها جێفری جڤینەكە دن ژی لگەل مەزنێن برپرسێن یكیتیا ئۆرپی رە پێك ئانی و داوین پێشهاتەیین رەوشا سوریێ گفتوگۆكرن.

پشتی ئەنجامدانا زنجیرەك هەڤدیتن ل وەلاتێ ئۆرپایی شاندەیی ئەمەریكی یی تایبەت ژبۆ سوریێ جێمس جێفری بەرێ خوە دا رۆژهەلا ناڤین داكو د دەما ناڤبەا بیست و نەهێ حزێرانێ تا دووێ تیرمەهێ جڤینەكێ لگەل بەرپرسێن ئۆردنی و جڤینەكە دن لگەل بەرپرسیارێن ئسرائیلی ئەنجام بدە ژبۆ گۆتووبێژیا رەوشا سوریێ .

جێفری وێ گەرا خوە ل وەلاتێ ئەلمانیا بداوی بینە كو د دەما ناڤبەرا سێ تا پێنجێ ڤێ مەهێ وێ زنجیرەك هەڤدیتن لگەل هەڤپارێن وەلاتێ سوریێ و مەزنێن بەرپرسیارێن ئەلمانی ئەنجام بدە ، و د وان هەڤدیتنان دە وێ هەژمارەك مژار وەرنە گفتوگۆكرن بتایبەتی داوین پێشهاتەیین باژارێ ئدلبێ و گوندەوارێن وێ كو د دەما نها دە د رۆوشەكە خراب دە دەرباس دبە.

248