ل قدسێ جڤینەك سێ ئالی دەربارێ سوریێ هاتە ئەنجام دان
ارك نيوز .. ئیرۆ سێشەمێ ل قدسێ پایتەختا ئسرائیلێ جڤینەك سێ ئالی دەربارێ دۆسەیا سوریێ ناڤبەرا راویژكارێن ئەنجومەنا ئەولەهیا نەتەوی یێ ئەمەریكایێ و روسیا و ئسرائیلێ ل قدسێ پایتەختا ئسرائیلێ ب ئامادەبوونا سەرۆك وەزیرێن ئسرائیلێ بنیامین نتنیاهۆ هاتە پێك ئانین .
دیمیتری بیسكۆف بەردەڤكێ سەرۆكاتیا روسیی راگهاند كو د جڤینێ دە نیكۆلای پاترۆشیف راوێژكارێ ئەنجومەنا ئەولەهیا روسی وجۆن بۆلتۆن ئالیكارێ سەرۆكێ ئەمەریكا ژبۆ كاروبارێن ئەولەهیا نەتەوی و مئێر بن شتات سەرۆكێ ئەنجونا ئەولەهیا نەتەوی یا ئسرائیلی ب هورگوولی رەوشا رۆژهەلاتا ناڤین بگشتی و یا سوریێ بتایبەتی هەروەها هەبوونا ئیرانێ لسوریێ گفتوگۆكرن .
ناڤبووری گۆت ژی كو هەرسی ئالی گهشتن هەژمارەك رێكەفتنێن گرنگ دەربارێ سوریی بێ كو توو هوورگولیێن زێدەتر دەربارێ ناڤەرۆكا وان رێكەفتنان دیار بكە .
ژ ئالیێ خوەڤە ژی بنیامین نتنیاهۆ سەرۆك وەزیرێن ئسرائیلێ راگهاند كو دڤێ هەموو هێزێن كو پشتی سالا دووهەزار و یازدەهان دەرباسی سوریێ بوونە ڤەكشن و گۆت كو پێویستە كار ژبۆ ڤێ مەبەستێ د زوترین دەم دە وەرە كرن .
هەروەها جۆن بۆلتۆن ئالیكارێ سەرۆكێ ئەمەریكا ژبۆ كاروبارێن ئەولەهیا نەتەوی گۆت كو ئیران ژێدەرا سەرەكە یا تەرۆرێ یە و ب سەدەما تەڤلیهەڤیێ بناڤ كر
305
