بریارە د رۆژێن بێ دە جڤینەك سێ ئالی دەربارێ سوریێ ل تل ئەبیب وەرە ئەنجام دان
ارك نیوز .. وەزارەتا دەرڤە یا روسیا راگهاند كو جڤینا كو ل باژارێ تل ئەبیب دەربارێ سوریێ وەرە ئەنجام دان وی پێنگاڤەك ژبۆ دیتنا چارەسەریەكێ ژ كریزا سوریێ رەبە .
ئارتیۆم كۆجین رێڤەبەرێ رێڤەبەریا زانیاری و رۆژنامەگەریێ د وەزارەتا دەرڤە یا روسیا دە ئەشكەرە كر كو ئارمانجا سەرەكە ژ ئەنجامدانا جڤینا تل ئەبیب ناڤبەرا بەرپرسیارێن ئەمەریكی و روسی ئەوە كو چارەسەریەك سیاسی ژ كریزا سوریێ رە وەرە دیتن و د زوترین دەم دە كریزا سوریێ بداوی وەرە ، وجڤینا تل ئەبیب دەربارێ رەوشا سوریێ ب پێنگاڤە گرنگ بناڤ كر .
ئاژانسا تاس یا روسی لسەر زارێ كۆجین ڤەگوهەست كو بریارە د هەردوو رۆژێن بیست وچار و بیست وپێنجێ ڤێ مەهێ نیكۆلای پاترۆشیف سەكرەتەرێ ئەنجومەنا ئەولەهیا روسی لگەل جۆن بۆلتۆن ئالیكارێ سەرۆكێ ئەمەریكا ژبۆ كاروبارێن ئەولەهیا نەتەوی و مئێر بن شتات سەرۆكێ ئەنجونا ئەولەهیا نەتەوی یا ئسرائیلی ل تل ئەبیبێ بجڤە وەروشا سوریێ گۆتۆبێژ بكن .
هەروەها بەرپرسێ روسی تەكەز ژی كر كو ئارمانج ژڤێ هەڤدیتنێ دیتنا پێنگاڤێن هەڤبەش ژبۆ چارەسەركرنا كریزێ ل رۆژهەلاتا ناڤین بگشتی و چارەسەركرنا كریزا سوریێ بتایبەتی یە .
ژ ئالیێ خوەڤە رۆژنامەیا شەرق ئەلەوسگ ئەشكەرە كربوو كو د جڤینا تل ئەبیب دە وەلاتێ ئەمەریكا وێ دەستپێشخوەریەكێ دەربارێ دۆسەیا سوریێ بتایبەتی دەربارێ دووبارە ئاڤاكرنا سوریێ و راكرنا سزایان پێشكێشی روسیێ بكە كو ژ ئالیێ خوەڤە ژی روسیی پابەندیێ ب ستاندنا تەدابیرێن بێویست دەربارێ رۆلا ئیران و پرۆسەیا سیاسی لسوریێ مینا ئاڤاكرنا كۆمیتەیا دستوری یا سوریێ و جیبجیكرنا بریارا ئەنجومەنا ئەولەهیا ناڤدولتی بیست و دوو پێنجی وچار یا گرێدایی ب راوەستاندنا شەر لسوریێ و گهشتن ب چارەسەریەكە سیاسی ژبۆ بداویئانینا كریزا سوریێ بكە .
گرێدایی ڤێ مژارێ جیگرێ وەزیرێ دەرڤە یێ روسیا سێرگسی فیرشینین ژ ئاژانسا ریا نۆڤیستی یا روسی رە ئەشكەرە كربوو كو روسیا توو گریبەستان لگەل ئەمەریكا و ئسرائیلێ دەربارێ سوریێ د وێ جڤینێ دە گەنگەشە ناكە وگۆت كو ئەڤ نووچەیا كو هاتیە بەلاڤكرن دەربارێ گرێبەستا ناڤبەرا روسیا و ئەمەریكایێ دە ژ راستیێ دوورە و گۆتگۆتان بناڤ كر و دا زانین كو قەت روسیا وێ مژارێ لگەل ئەمەریكایی گەنگەشە ناكە .
326
