گۆتێریس داخوازا سزادانا پێكئینەرێن ئێریشێن كیماوی لسوریێ دكە
ارك نیوز .. ئەمیندارێ گشتی یێ نەتەوێن یكگرتی داخواز ژ ئەنجومەنا ئەولەهیا ناڤدەولتی كر كو د زەترین دەم دە ناسنامەیا وان كەسێن كو ئێریشێن كیماوی لسوریێ ئەنجام دانە دەستنیشان بكە داكو وەرنە دادگەهكرن .
د راپۆرتا شێست و حەفتان دە یا رێخستنا قەدەغەكرنا چەكێن كیماوی ئەنتۆنیۆ گۆنێریس ئەمینداێ گشتی یێ نەتەوێن یكگرتی گۆت پێویستە د ناڤا ئەنجومەنا ئەولەهیا ناڤدەولتی دە یەكریزی هەبە داكو د زوترین دەم دە پابەندیێ بڤێ داخوازێ بكە و دەست ب كارێ خوە بكە داكو ناسنامەیا تەڤایا كەسێن كو ئێریشێن كیماوی لسوریێ ئەنجام دانە دەستنیشان بكە و د زوترین دەم دە وەرنە سزا و دادگەهكرن .
ئاژانسا ئانادۆل یا نووچەیان دایە دیاكرن كو ئەڤ داخوازا گۆتێریس ژ ئەنجومەنا ئەولەهیا ناڤدەولتی رە كو ب ئاوایەكی بلەز پێكئینەرێن ئێریشێن كیماوی لسوریێ دەستنیشان بكە پشتی ئەنجامدانا جڤینەكە راوێژیێ دناڤبەرا ئەندامێن ئەنجومەنا ئەولەهیا ناڤدەولتی دە هات ...
ئەمیندارێ گشتی یی نەتەوێن یكگرتی د وێ راپۆرتێ دە ئاماژە ب بكارئانینا چەكێن كیماوی لسوریی كر وگۆت كو ئەڤ ئێریشێن كیماوی یین كولسوریێ هاتنە ئەنجام دان كارەكی پر خرابە و پێویستە د زوترین دەم دە ناسنانەیا وان كەسان وەرە ئەشكەرەكرن داكو د دەمەكە نێزیك دە وەرنە سزادان .
هەر لگۆری هەمان راپۆرتێ ئەشكەرە كریە كو شاندا شۆپاندنا راستیان یا بسەر رێخستنا قەدەغەكرنا چەكێن كیماوی دە تا نها د كۆمكرنا زانیاران دە دەرباری ئەنجامدانا وان ئێریشێن كیماوی یێن كو ل دەڤەرێن جودا جودا لسوریێ هەتنە پێكئانین بەردەوامە ونها هەڤدیتنان دەرباری پێنج بوویەران دكە داكو ناسنامەیا پێكئینەرێن وان هەر پێنج بوویەران دەستنیشان بكە .
دەرباری هەر پێنج ئێریشێن كیماوی یین كو د دەما بووری دە هاتنە ئەنجام دان راپۆرتێ ئەشكەر كریە كو دوو ئێریش ل دەڤەرا المساسنە ل حمایی هاتن ئەنجام دان وئێریشەك ل باژارێ سلمیێ و ئێریشەك ل دەڤەرا یرمووك ل شاما پایتەخت و ئێریشا داویێ ل دەڤەرا البلبل لگوندەوارێ حمایی هاتە ئەنجام دان .
راپۆرتا شێست و حەفتان یا رێخستنا قەدەغەكرنا چەكێن كیماوی دەرباری سوریێ كو ژ ئالیی رێڤەبرێ گشتی یێ رێخستنێ فرناندو آرياس هاتیە ئامادەكرن ژ دەما ناڤبەرا بیست وچارێ ئادارێ تا بیست و سیێ نیسانا ئیسال لخوە دگرە هاتیە بەلاڤ كرن ئەوژی لگۆری بریارا ئەنجومەنا ئەولەهیا ناڤدەولتی بیست ویەك هیژدە .
525
