ئۆغلۆ: ئەم ژ رێكەفتنا دەربارێ كۆمیتا دستوری یا سوریێ نێزیك بوونە

ارك نیوز .. وەزیرێ دەرڤە یێ توركیێ دبێژە كو ئالیێن پەیوەندیدار ب دۆسەیا سووری ژ رێكەفتنێ دەربارێ ئاڤاكرنا كۆمیتەیا دەستووری نێزیك بوونە .

ئاژانسا ئانادۆل یا نووچەیان دایە خویاكرن كو دۆه مولود چاویش ئۆغلۆ وەزیرێ دەرڤە یێ توركیێ د تویتەكێ دە راگهاند كو ئەو ژ رێكەفتنا ئاڤاكرنا كۆمیتەیا دەستووری نێزیك بوونە .

دەرباری رەوشا ئدلبێ و گوندەوارێن وێ وەزیرێ دەرڤە یێ توركیی د هەمان تۆیتا خوە دە گۆت كو ئێریشێن رێژیما ئەسەد رێكەفتنا سووچی ودانوستاندنێن ئاستانە بنپێ دكە د دەمەكێ دە كو هێزێن رێژیما ئەسەد و روسیا د بنپێكرنێن خوە دە دەرحەقێ سڤیلان دە ژ ئالیەكی و د ئارمانجكرنا ناڤەندێن خزمەتگوزاری و ئاڤاهیێن تەندروستی دە ژئالیەكی دنڤە بەردەوامە و پێشكەتنان لگوندەوارێ حمایێ ئەنجام ددن .

هەروەها ئاژانسا ئەنادۆل یا نووچەیان دا دیاركرن كو مەولوود چاویش ئۆغلۆ وەزیرێ درەڤە یێ توركیا ل ئیستانبۆلێ ل گەل نەسر الحریری سەرۆكێ دەستەیا دانوستاندكارا سووریێ جڤیا , ود جڤینێ دە ئاڤاكرنا كۆمیتەیا دەستووری و داوین پێشهاتەیێن گوندەوارێ ئدلب و حمایێ لباكورێ سوریێ هاتە گۆتووبێژكرن .

هەر لگۆری ئاژانسا ناڤهاتی ئەشكەرە كریە كو حریری د جڤینا خوە دە لگەل ئۆغلۆ داخواز كربوو كو باپەندی ب رێكەفتنا كێمكرنا ئاستێ شەر ل ئدلبێ وەرە كرن و وەلاتیێن سڤیل ل وێ دەڤەرێ وەرنە پاراستن .، و تەكەز كر كو رێژیما ئەسەد و روسیا ب بەهانیا ئارمانجكرنا گروپێن تەرۆریست ئێریشێن خوە لسەر دەڤەر و باژارۆكێن لباكورێ سوریێ ئەنجام ددن .

ژ ئالیێ خوەڤە ژی ئۆغلۆ گۆت كو وەلاتێ توركیێ ب هەموو كاریێن خوە كار دكە داكو رێكەفتنا سوتشی چارەكە دن ئەكتیڤ بكە و پابەندی ب ڤێ رێكەفتنێ ژ ئالیێ روسیا ڤە وەرە كرن و تەكەز كر كو سەرۆكێ توركیێ ڤێ مژارێ بخوە ب ریێا پەیوەندیێن خوە ب سەرۆكێ روسیێ رە دشۆپینە .

281