ریژیما ئەسەد خالەكە چاڤدێریێ یا توركی دكە ئارمانج
ارك نیوز .. چالاكڤانێن دناڤا گوندەوارێ حمایێ دمینن راگهاندن كو ئیرۆچەكدارێن رێژیما ئەسەد خالەكە چاڤدێریێ یا توركی ل گوندەوارێ حمایێ تۆپباران كر كو ئەڤ سێیەم جارە خالێن توركی یێ چاڤدێریێ دناڤا خاكا سوریێ دە تێنە ئارمانج كرن .
هەر لگۆری هەمان ژێدەران ئەشكەرە كرنە كو ئیرۆ دانی سبەهێ هێزێن رێژیما سوریێ و مێلیسێن بسەرڤە ب زێدەتری دەه تۆپان دەرۆدۆرا خالا چاڤدێریێ یا توركی ل دەڤەرا شێر مغار لرۆژئاڤاێی گوندەوارێ حمایێ تۆپباران كر و سەرباركرن كو ژ دەسپێكا ئۆپەراسیۆنا لەشكەری یا ریژیمێ لسەر گوندەوارێ ئدلبێ و حمایێ دە ئەڤ سێیەم جارە ئەڤ خالا چاڤدێریی ل دەڤەرا شێر مغار ژ ئالیێ رێژیمێ ڤە تێ ئارمانجكرن .
هەروەها هەمان چالاكڤانان دانە دیاركرن كو د ئەنجاما وێ تۆپبارانكرنێ دە دیوارێ كو ل دەردۆرا وێ خالێ هاتیە ئاڤاكرن هاتە رووخاندن بێ كو ئارتێشا توركیێ بەرسڤا ئیڕیشا رێژیما ئەسەد بدە یانژی توو كارڤەدانەكێ ئەنجام بدە لهمبەر ئێریشا رێژیما ئەسەد و مێلیسێن بسەرڤە ،
بەریا نها دوو جارێن دن د هەیاما یەك حەفتیێ دە خالا توركی ل دەڤەرا شێرمغار لگوندەوارێ حمایێ هاتە ئارمانجكرن كو وەزارەتا بەرەڤانیا توركی بەریا دەمەكێ راگهاندبوو كو دەردۆرا خالا وێ دەهان لگوندەوارێ حمایێ راستی تۆپبارانكرنێ هاتیە و دوو لەشكەرێن وێ برینداربوونە .
د سێزدەهێ جۆتمەها دوو هەزار وحڤدەهان دە هێزێن توركی دەرباسی ناڤا خاكا سوریێ بوو و دەست ب ئاڤاكرنا خالێن خوە یین چاڤدێریێ كرن كو یەكەم خالا چاڤدێریێ یا توركی یاكو هاتە ئاڤاكرن ل دەڤەرا كفرلوسین بوو لگوندەوارێ ئدلبێ و ژ وێ دەمێ ڤە وتا نها ئارتێشا توركیێ كاروانێن خوە یێن لەشكەری دەرباسی سوریێ دكە و ل ناڤا خالێن چاڤدێریێ بجه دبن یا هەری داوی ژی بەریا چەند رۆژان ئارتێشا توركیێ كاروانەك لەشكەری كو ژ ئالاڤێن لەشكەری و لەشكەرا پێك دهات دەرباسی ناڤا خاكا سوریی بوو و لگوندەوارێ ئدلب و حمایێ لباكورێ سوریێ بجه بوو د دەمەكێ دە كو ئەڤ دەڤەر راستی ئێریشێن ئەسمانی ژ ئالیێ بالافرێن روسی و یین رێژیما ئەسەد ڤە تێن .
413