ئۆپۆزسیۆنا سوریێ داخوازا راوەستاندنا شەر ل ئدلبێ دكە

ارك نیوز .. جیگرا سەرۆكێ هەڤپەیمانیا نشتیمانی یا ئۆپۆزسیۆنا سوریێ ئەشكەرە كر كو ئۆپۆزسیۆنا سوریێ د دەما داوی دە زنجیرەك هەڤدیتن لگەل نوونەرێن چەند وەلاتەكی دەرباری سوریێ بگشتی و داوین پیشهاتەیێن باكورێ سوریێ بتایبەتی ئەنجام دان .

دیما موسا جیگرا سەرۆكێ هەڤپەیمانیا نشتیمانی یا ئۆپۆزسیۆنا سوریێ راگهاند كو هەڤپەیمانیا نشتیمانی یا ئۆپۆزسیۆنا سوریێ ب نوونەرێن وەلاتێن فەرەنسا و بریتانیا ، المانیا جڤیان و داوین پێشهاتەیێن باژارێ ئدلبێ و گوندەوارێ حمایێ لباكورێ سوریێ و پێشكێشكرنا ئالیكاریێن مرۆڤی ژبۆ وەلاتیێن سوریی گەنگەشەكرن .

هەر لگۆری موشا ئەشكەرە كریە كوك و د وان جڤینان دە ب شێوەیەكی بەرفره هەردوو ئالیان لسەر بلندبوونا ئاستێ شەر ل باژارێ ئدلبێ و بەردەوامیا رێژیما ئەسەد و روسیی د ئارمانجكرنا دەڤەرێن لباكورێ سوریێ راەستیان و ژ ئالیێ خوە ڤە ئۆپۆزسیۆنا سوریێ داخواز ژ وان وەلاتان كر كو د زوترین دەم دە دەستوەردانێ بكن و ب ئەركێ خوە رابن ژبوو راوەستاندنا وان ئێریشان لسەر باژارێ ئدلبێ كو ب شێوەیەكی راستە راست وەلاتیێن سڤیل ژ ئالیێ بالافرێن شەركەر یێن روسی و ریژیما ئەسەد ڤە تێنە ئارمانجكرن كو د ئەنجاما وان ئێریشان دە ب دەهان وەلاتیێن سڤیل دبنە قربانیێن وان ئێریشان .

هەروەها جیگرا سەرۆكێ هەڤپەیمانیا نشتیمانی یا ئۆپۆزسیۆنا سوریێ دا خویاكرن كو د جڤینێن واندە لگەل نوونەرێن وەلاتێن ناڤبووری بحسا پێویستسا گهاندنا ئالیكاریێن مرۆڤی یێن بلەز ژپێویستداران رە هاتە كرن بتایبەتی كو دەما نها بیهتری سەد هەزار دەربەدەر ل چۆلێ دمینن و د رەوشەكە پر خراب دە دژین .

ناڤبوری بال كشاند سەر وێ یەكی ژی كو ژبەر بەردەوامیا رێژیما ئەسەد و روسیی د ئارمانجكرنا دەڤەرێن لباكورێ سوریێ و بەردەوامیا وان د ئەنجامدانا پێنپیكرنان دەرحەقێ وەلاتیین سڤیل دە ژ ئالیێ و ئارمانجكرنا ناڤەندێن خزمەتگوزاریی و نەخشخانە و ناڤەندێن تەندروستی و دبستان و مزگەفتان ژ ئالیەكی دنڤە كو د ئەنجاما وان ئێریشان دە ب سەدێ هەزاران وەلاتیێن وێ دەڤەرێ دەربەر بوون و بەرێ خوە دانە دەڤەرێن سینۆری و بەشەك مەزن ژ وان دەربەدەران نها ل چۆلێ دمینن و بێ جی و وارن ژبۆ ڤێ یەكێ ئۆپۆزسیۆن نامەیەك ئامادەكریە داكو ئاراستی چەند وەلاتەكی و ئالیێن ناڤدەولتی یێن گرێدایی ب رەوشا ئدلبێ بكە داكو د زوترین دەم دە دەستوەردانێ بكن و ڤان تاوانان د زوترین دەم دە راوەستینن و ب شێوەیەكی بلەز ئالیكاریێن مرۆڤی بگهینن ناڤا وان دەڤەران .

ئەنجامدانا زنجیرەك هەڤدیتن ژ ئالیێ هەڤپەیمانیا نشتیمانی یا ئۆپۆزسیۆنا سوریی ل ژێر چالاكیێن كۆمیتەیا پەیوەندیێن دەرڤە وكۆمیتەیا تایبەت یا بسەر دەستەیا گشتی دەرباری ئدلبێ و رزگاركرنا سڤیلان ژ كارەسەتەكە مرۆڤی هات .

449