یەكیتیا ئۆرۆپایێ: رەوش ژبۆ ڤەگەرا سووریان نە گونجاوە
سەرۆكا شاندەیا یەكیتیا ئۆرۆپایێ ل لوبنانێ راگهاند كو رەوش د دەما نها دە ژبۆ ڤەگەرا پەنابەرێن سووریێ نە گونجاوە.
سەرۆكا شاندەیا یەكیتیا ئۆرۆپایێ ل لوبنانێ كریستینا لاسن د داخویانیەكێ دە راگهاند كو پرانیا پەنابەرێن سووری یێن ل لوبنانێ دمینن دخوازن ڤەگەرن وەلاتێ خوە ئەگەر رەوش ئارام بە، و گۆت نها رەوش ژبۆ ڤەگەرێ نە گونجاوە.
لاسن هەروەها راگهاند كو ل گۆری راپرسینەكێ، 83% ژ پەنابەرێن سووریێ دخوازن ڤەگەرن وەلاتێ خوە دەما هەست ب ڤەگەرا ئارام بكن، و گۆت كو نەتەوەیێن یەكگرتی وەها دبینە كو هین رەوش ل سەر عەردێ نە گونجاوە ژبۆ ڤەگەرێ.
ئاخافتنێن بەرپرسا یەكیتیا ئۆرۆپایێ د رۆژنامەیا ئەلنەهار یا لوبنانی دە دوه رۆژا شەمیێ هاتنە بەلاڤكرن كو تێ دە دبێژە هین گەلەك بابەت ل سووریێ نەزەلالن، و ئەو یەك دهێلە كو ڤەگەرا سووریان نەئارام بە، و تەكەزی ل سەر وێ یەكێ كر كو یەكیتیا ئۆرۆپایێ دبینە كو چارەسەریا داوی ژبۆ ڤێ كریزێ د ڤەگەرا سووریان بۆ وەلاتێ خوە دە یە.
ل گۆرێ ئامارێن نەتەوەیێن یەكگرتی كو ل وەلاتێ لوبنانێ دەردۆرا مەلیۆنەك پەنابەرێن سووریێ هەیە، و دناڤبەرا دەم و دەمەكێ دە كێشە و ئالۆزی ئاراستەیی وان تێن، ئەولەكاریا لوبنانێ ژی راگهاندبوو كو مەلیۆنەك و سێسەد هەزار پەنابەرێن سووریێ ل لوبنانێ دمینن و تەنێ پێنجی هەزار ژ وان پەنابەران ڤەگەریانە وەلاتێ خوە.
493
