هەڤرێزكارێن بەرسڤدانێ: بێهتری 300 هەزار سڤیل ژ باكورێ سوریێ دەربەدەربون

هەڤرێزكارێن بەرسڤدانێ: بێهتری 300 هەزار سڤیل ژ باكورێ سوریێ دەربەدەربون

May 07 2019

ارك نیوز .. تیما هەڤرێزكارێن بەرسڤدانێ ئەشكەرەكرن كو ژبەر بەردەوامیا ئێریشێن رێژیما ئەسەد و روسیا لسەر باژار و باژارۆكێن باكورێ سوریێ رۆژ ب رۆژ هەژمارا دەربەدەران زێدەتر دبە كو تا نها بێهتری 300 هەزار سڤیل دەربەدەری دەڤەرێن ئارام بوونە .

هەر لگۆری هەمان تێمێ كو ژ دەما كو رێژیما ئەسەد د سباتا بووری ڤە دەست ب ئۆپەراسیۆنا خوە یا لەشكەری لسەر باكورێ سوریێ دەسپێكریە و تا نها زێدەتری سێسەد و حڤدە هەزار و و هەیسەد و شێست و هەیشت كەس واتە 51022 مالبات دەڤ ژ مال وملكێن خوە بەردانە و دەربەدەری دەڤەرێن سینۆری بوونە و سەربار كر كو ئەڤ پێلا دەربەدەریێ یا مەزن لسەر دوو قووناغان بوو .

قووناغا یەكێ ژ رێكەفتا دووێ سباتێ تا بیست و هەیشتی نیسانێ دووسەد وچاردە هەزار و سێسەد و بیست ونەه سڤیل واتە 34403 مالبات دەربەدەربوون.

قووناغا دووێ ژ رێكەفتنا بیست و نەهێ نیسانێ تا شەشێ گولانێ سەد وسێ هەزار و پێسەد وسیه و نەه كەس واتە 16619 مالبات دەربەدەربوونە و گۆت كو ژبەر گووربوونا ئێریشان ژ ئالیێ رێژیم و روسیی ڤە ئەگەر هەیە هەژمارا دەربەدەران زێدەترببە وبگهێژە شەسەد هەزار دەربەدەر.

تیما هەڤرێزكارێن بەرسڤدانێ تەكەز ژی كرن كو ئۆپەراسیۆنا لەشكەری یا هەڤبەش ناڤبەرا رێژیما ئەسەد و روسیا دە لسەر دەڤەرێن لباكورێ سوریێ بگشتی و دەڤەرا بێ چەك بتایبەتی كەتیە هەیڤا خوە یا چاران دە كو د ئەنجاما وان ئێریشێن تووند دە ب سەدان ژ وەلاتیێن سڤیل هاتنە كوشتن وبرینداربوونە ژبلی روودانا زیانێن مادی مەزن ل هەمان دەڤەرێ.

و ئەشكەرە كر كوژبەر بومبەبارانكرنا بالافرێن شەر یێن روسی ژ ئالیەكی ڤە و رێژیما ئەسەد ژ ئالیەكی دنڤە هەژمارەك ناڤەندێن خزمەتگوزاریێ و ناڤەندێن تەندروستی، نەخشخانە ، و ژێر خانە ، مزگەفت هاتن وەیرانكرن .

هەر لگۆری كو تیما ناڤهاتی بەلگەكریە كو ژ دەما دەسپێكا ئۆپەراسیۆنێ تا نها بێهتری هەیشتێ وهەیشت خال هاتنە ئارمانجكرن سیه وچار ل ئدلبێ و چل ودوو ل حمایی ، نەه ل حەلەب ، چار ل لازقیێ وسەربار كر كو ب رێێا بالافرێن شەركەر یین روسی و رێژیما ئەسەد ژی بیهتری هەیشتی و نەه خال هاتنە بومبەبارنكرن سیه و نەه ژوان ل ئدلبێ ، چل وشەش خال ل حمایی ، دوو ل حەلەب، و دوو ل لازقیێ .

دەربارێ قربانیان ژی تیما هەڤرێزكارێن بەرسڤدانێ ب بەلگە ئەشكەر كر كو د هەیاما ڤان هەرسی مەهێن بووری دە بكیمانی سێسەد وشێست وچار سڤیل دناڤا واندە سەد و هیژدە زارۆك ژی هەبوون ژیانا خوە ژ دەست دانە .









510