لعفرینێ چەكدار د كریار و بنپێكرنێن خوە دە بەردەوامن
ارك نیوز .. گروپێن چەكدار د بنپێكرن و كریارێن خوە دە یێن نە مرۆڤی دەرمافێ وەلاتیێن كورد دە ل هەریما عفرینێ بەردەوامن هەری داوی برینا ب دەهان دارێن زەیتوون و هناران بوو .
رێخستنا مافێن مرۆڤان لعفرینێ راگهاند كو ل گوندێ میدان ئكبس یێ بسەر ناڤچەیا شران ڤە یا دبن كۆنترۆلا گروپا چەكداریا بناڤی سلتان مراد دە ، سەد دارێن زیتوونان یێ سێ مالباتێن كورد ژ ئالیێ هەمان گروپێ ڤە هاتە برین .
هەروەها گروپا چەكدار یا بناڤێ ئەحرار الشرقیە ل گوندی استیر لگوندەوارێ عفرینێ بێهتری چل دارێن هناران برین .
رێخستنا ناڤهاتی سەربار كر وگۆت بەریا دوو رۆژان گروپا چەكدار یا بناڤی العمشات گرتە سەر كۆنەكی شینیا مالباتەكە كورد ل ناڤچەیا شیێ و سڤكاتی و گۆتنێن دوور ژ رەوشتێ ئاراستەیی كەس وكار وخوەدین شینیێ كرن و پێنج كەس ئەوژی مسعود مصگفى شیخو ، عبد الرحمن مصگفى شیخو ، خلیل مصگفى شیخو ، عمار سلیمان شیخو ،بكر مصگفى رحموكی بوون برن باراگەهێن خوە یێن ئەولەهیێ و هەر پێنج كەس راستی لێدانی ژ ئالیێ چەكداران ڤە هاتن وپشترە مسعود شێخۆ و بكر رحموكی هاتن سەربەستبەردان لێ هەرسی كەسێن دن هین دەستەسەركرینە وچارەنڤیسا وان نەدیارە .
666
