كۆنگرێ كۆمكارا عەرەبی ل تۆنسێ هات ل دارخستن
ئیرۆ رۆژا یەشكەممێ(31.3.2019) ل وەلاتێ تونسێ ، كۆمكارا عەرەبی ب ئامادەبوونا 13 سەرۆك وپاشا و میرا و ب نەئامادەبوونا 8 دن سیهەمین كۆنگرێ خوە ل داردخە.
ژبلی سەرۆكێ سووریێ، بەشار الاسد، 8 سەرۆكێ دن یێن عەرەب ئیرۆ د گۆنگرێ كۆمكارا عەرەبی دە ئامادە نەبوون و دناڤا وان دە سەرۆكێ سودانێ عمرالبشیر و سەرۆكێ جەزائیرێ عبدالعزیز بوتفلیقە و سولتانێ عەمانێ قابوس بن سعید و پاشایێ مەغربێ محمد السادس .
د ڤێ كونگرێ دە ، سەرۆكێ تونسێ وێ سەرۆكاتیا كۆمكارێ ژ پاشایێ سعوودیێ سلمان بن عبدالعزیز وەربگرە كو سەرۆكێ كۆمكارێ د خۆلا وێ یا 29 دە بوو.
تەڤی نە ئامادەبوونا سووریێ ل ڤێ خۆلا كۆمكارێ دە ، لێ دۆسەیا سووریێ خوە بهێزێ ل سەر كارنامەیا كۆمكارێ دسەپینە، و ب تایبەتی پشتی ، ئمزەیا سەرۆكێ ئەمەریكا دۆنالد ترامپ، كو فەرمانا دانپێدانا دەستهلاتدارییا ئیسرائیلێ دەربارێ جۆلانا سووریێ دە ، دەرخست.
كارنامەیا خۆلا سیهەمین یا كۆمكارێ ، 20 پرۆژە و دۆسەیێ ل خوە دگرە ، و گرنگترین دۆسە ، دۆسەیا فلستینێ و رەوشا وەلاتێن لیبیا ویەمەن و پشتەڤانیا سوودانێ و دەستێوەردانا ئیرانێ د كاروبارێن دەولەتێن عەرەبی دە، نە.
د دەستپێكا شۆرەشا سووریێ د سالا 2011دە، كۆمكارا عەرەبی ئەندامتیا سووریێ د كۆمكارێ دە هلواسی ود ڤێ خۆلێ دە، بریارە دۆسەیا تێكلیێن سعوودیێ و ئیمارات و مصر وبەحرین ب قەتەرێ رە ژی نەیێ باسكرن ژبەر رەوشین فلستین و سووری و لیبیا ویەمەن .
جارا سیێەمینە كۆمكارا عەرەبی ل تونسێ تێ ل دارخستن ، تەڤی نە ئامادەبوونا هژمارەك مەزن ژ رایەدەرێن عەرەبی ، وگرێدانا ڤێ خۆلێ ل رەوشەكی عەرەبی خراب دە، لێ تێ پێشبینی كرن كو بریارێن گرنگ وەرە ستاندن دەربارێ كارێن عەرەبی هەڤبەش دە، وبەرژەوندیێن عەرەبا یێن هەڤبەش بدەستڤەبینە چ ل سەر ئاستێ رەوشا سووریێ یان قەتەرێ بە و هەورها راوەستانا شەر ل یەمەنێ بە .
لێ ئامادەبوونا سووریێ و تایبەتی سەرۆكێ حكوومەتا سووریێ بەشار الاسد د كۆمكارا عەرەبی دە ، دمینە جهێ ناكۆكیێ دناڤبەرا دەولەتێن كۆمكارا عەرەبی دە.
ر.ع
629
