رێژیما ئەسەد خالەكە چاڤدێریێ یا توركی ل ئدلبێ ئارمانج كر

ارك نیوز .. وەزارەتا بەرەڤانیا توركیێ ئەشكەرە كر كو هێزێن رێژیما ئەسەد و مێلیسێن بسەرڤە خالەكە توركی لباژارێ ئدلبێ ئارمانج كر و دوو لەشكەرێن توركی برینداربوون .

وەزارەتا بەرەڤانیا توركی داخویانیەك بەلاڤ كر وتێدە راگهاندكو دۆه شەمیێ هەژمارەك تۆپێن هاونێ ژ دەڤەرێن دبن كونترۆلا رێژیما ئەسەد دە هاتن ئاڤێتن سەر بنگەهەكە نێزیكی خالەكە كەچاڤدێرێێ یا توركی لباژارێ ئدلبێ ، د ئەنجامێ دە دوو لەشكەرێن توركی برینداربوون ..

هەر لگۆری هەمان داخویانیێ كو پشتی ئەنجامدانا وێ ئێریشی ژ ئالیێ چەكدارێن رێژیما ئەسەد و مێلیسێن بسەرڤە ئارتێشا توركیێ ب رێیا سێ هلیكۆپتەران كاریە ئەو هەدوو لەشكەرێن خوە یێن بریندار ژ باژارێ ئدلبێ دەرخینن و دەرباسی خاكا توركیی بكن داكو وەرنە دەرمانكرن .

ئەڤ داخوایانیا وەزارەتا بەرەڤانیا توركی هات بەلاڤكرن پشتی كو ئاژانسا ئانادۆل یا توركی راگهاندبوو كو بنگەهەكی نێزیكی خالا چاڤدێریا توركی یا دەهان لباژارێ ئدلبێ ب هەژمارەك تۆپێن هاونێ ژ ئالیێ رێژیما ئەسەد ومێلیسێن بسەرڤە هاتیە ئارمانجكرن و دوو لەشكەرێن توركی برینداربوونە .

د هەمان داخویانیا وەزارەتا بەرەڤانیا توركی دە هاتیە كو كو د ئەنجاما وێ ئێریشا رێژیما ئەسەد یاكو هاتە ئەنجامدان لنێزیكی خالا توركی ل دەڤەرا الزاویە ل ئدلبێ دیوارێ كو ل دەردۆرا خالا چاڤدێریی یا دەهان هاتیە ئاڤاكرن هاتە رووخاندن .

لێ تا نها رێژیما ئەسەد توو زەلالی دەربار وێ ئێریشی بەلاڤ نەكریە لێ ئاژانسا سانا یا بسەر رێژیما ئەسەد ڤە دیار كر كو رێژیما ئەسەد بنگەهێن گروپێن چەكدار لباژارێ ئدلبێ ئارمانج كر.

لگۆری ئاژانسا ناڤهاتی تێ پیشبینی كرن كو هێزێن رێژیما ئەسەد ئەو ئێریشا خوە ژ دەڤەرا جبلە لرۆژهەلاتی لازقیێ یان ژی ژ دەڤەرا الكریم ل حمایێ پێك ئانیبە..و سەربار كر كو بیست و نەهێ نیسانا بووری دە هەمان خال راستی ئێریشەكێ هات و د ئەنجامێ دە ژنەك و زارۆك هاتن كوشتن .

312