مۆنتیۆر: جێفری پێشنیارا بەلاڤبوونا هێزێن توركیێ ل رۆژهلاتێ چەمێ فەراتێ دكە

آرك نيوز..راپۆرتێن كەنال ومالپەرێن جیهانی ئەشكەرەكرن كو شاندەیێ تایبەتێ ئەمریكا بۆ سووریێ پێشنیارا بەلاڤبوونا هێزێن توركی ل رۆژهلاتێ چەمێ فەراتێ كریە .

مالپەرا المۆنیتۆر د راپۆرتەكێ دە بەلاڤكر كو جێمس جێفری شاندەیێ ئەمریكا بۆ سووریێ ل گەل بەرپرسیارێن قەسەدە جڤیایە , وژ وان رە گۆتیە كو ژمارەیەكە كێم ژ هێزێن توركیا وێ ل رۆژهلاتێ چەمێ فەراتێ بەلاڤ ببن .

وەكە مالپەرا المۆنیتۆر دایەخویاكرن كو مەبەست ژ بەلاڤبوونا هێزێن توركی ل رۆژهلاتێ چەمێ فەراتێ چاڤدێریكرنا ناڤچەیا ئارامە یا كو بریارە ل رۆژئاڤایێ كوردستانێ وەرە ئاڤاكرن .

جێمس جێفری د چەند رۆژێن بووری دە ل گەل بەرپرسیارێن توركیا دەربارێ پێشەرۆژا سووریێ جڤیا , ول گەل ابراهیم كالن بەردەڤكێ سەرۆكاتیا توركیا ل سەر ئاڤاكرنا ناڤچەیا ئارام ب بێ پەیەدە رێكەفتیە.

وژئالیێ خوەڤە مدر حەماد بەردەڤكێ ئێلێن عەرەبان راگەهاند كو ئەمریكا وتوركیا ل سەر ب رێڤەبەرنا دەوریێن هەڤبەش ل رۆژهلاتێ چەمێ فەراتێ رێكەفتنە هەتا كو هێزەك ژ خەلكێ ناڤەچەیێ وەرە دامەزارندن.

فۆاد عەلیكۆ ئەندامێ هەڤپەیمانیا نشتیمانی یا ئۆپۆزسیۆنا سووریێ ژی راگەهاند كو راستە پێشكەتن د دانوستاندنان دە دەربارێ ئاڤاكرنا ناڤچەیا ئارام هەیە , لێ هینا تو رێكەفتنێن فەرمی د ڤێ دەربارێ دە نەهاتنە راگەهاندن , وئەوێ تێ راگەهاندن ب تەنێ دەزگەهێن راگەهاندنێ یێن ئەمریكا وان بەلاڤ دكە..

ز.ح

618