رێژیم دەینێن خوە ل سەر جۆتكاران وەردگرە
رێژیما ئەسەد دەست ب وەرگرتنا دەینێن خوە یێن ژ دەه سالان ڤە ل سەر جۆتكارێن پارێزگەها حەسەكێ كریە.
ل گۆری ئامارێن رێژیمێ كو شاخێن بانگا چاندنیێ یا رێژیمێ ل حەسەكێ تا نها بهتری 320 مەلیۆن لێرەیێن سووریێ وەكە دەینێن خوە ژ جۆتكاران وەرگرتنە، ئەو یەك ژی هەڤدەمی فرۆشتنا جۆتكاران ژ بەرهەمێن خوە یێن گەنم و جەهی ژبۆ رێژیمێ تێ.
ل گۆری وان ئاماران كو دەینێن كو رێژیم ژ جۆتكاران وەردگرە تا نها وەها هاتنە وەرگرتن:
128 مەلیۆن ل.س ژ سەرێ كانیێ
37 مەلیۆن ل.س ژ حەسەكێ
49.500 مەلیۆن ل.س ژ قامشلۆ
20 مەلیۆن ل.س ژ تل كۆچەر
40 مەلیۆن ل.س ژ عاموودێ
38 مەلیۆن ل.س ژ تلبراكی
و 8 مەلیۆن ل.س ژ تلتەمرێ
لگۆری بریارا ژمارە 46 یا سالا 2018ان یا رێژیمێ هەر جۆتكارێ دەینێن خوە بدە وێ ژ هەموو قەزەنج و باجێن دەرەنگكرنێ وەرە عەفۆكرن.
نها ل رۆژئاڤایێ كوردستانێ وەرزێ چنینا بەرهەمین گەنم و جەه بەرەڤ داویێ دچە، هەر یەك ژ ریژیم و پەیەدی بەرهەمان ژ جۆتكاران وەردگرن، پەیەدی ژی نرخێ كرینا بەرهەمان ژ جۆتكاران ژ نرخێ كو ریژیمێ دەستنیشانكریە ئەرزانتركیە، سەرباری شەوات و شەوتاندنا ب هەزاران هكتار زەڤیان بێ تو رێگری یان ژی قەرەبۆكرنێ نە ژ ئالێ پەیەدێ و نەژی ژ ئالێ رێژیمێ ڤە.
405
