جۆ بایدن ل هەشت ویلایەتان ل پێشیا ترامپە

آرك نيوز..دەنگدانا پێشوەخت ژ بۆ هلبژارتنا سەرۆكێ ئەمریكا دەستپێكریە , و ل گۆری داوین ئامار ل هەشت ویلایەتان جۆ بایدن ل پێشیا دۆنالد ترامپە.

ل گۆری راپرسیێن فەرمی یێن ئەمریكا نێزیكی 30 مەلیۆن ئەمریكی هەتا وەكە نها دەنگ د هلبژارتنێن سەرۆكێ ئەمریكا دە دانە, وجۆ بایدن بەربژێرێ دیموكراتیان ب رێژەیەكە كێم ل هەشت ویلایەتێن گرینگ ل پێشیا دۆنالد ترامپ بەربژێرێ كۆماریان.

هەروەها راپرسیێن فەرمی یێن ئەمریكا ئاماژە ب وێ چەندێ كرن كو ل ویلایەتا فلۆریدا كو یەك ژ گرینگترین ویلایەتێن ئەمریكی ژ بۆ سەركەفتنا هەر بەربژێرەكیە ژبۆ سەرۆكاتیێ , جۆ باید ب رێژەیا 2.7 ل پێشیا دۆنالد ترامپە.

د هلبژارتنێن ئەمریكا دە ( 9 ) ویلایەت هەنە كو بەردەوام باندۆرا وان د هلبژارتنێن سەرۆكاتیا ئەمریكا دە هەنە وئەوژی ئەڤن : فلوریدا وجورجیا وأیوا وأوهایو وبنسیلفانیا ومیشیغان و"كارولاینا باكوور" وویسكونسن وأریزونا.

هلبژارتنێن سەرۆكێ ئەمریكا د ل رێكەفتنا ( 3/11/2020 ) وێ وەرنە ئەنجامدان , ورۆژا دوشەمێ رێكەفتا ( 19/11/2020 ) بهتر ژ 30 مەلیۆن ئەمریكی بەری وەخت د ریێا پۆستێن ئلكترونی ڤە دەنگ دانە, ول گۆری دەرئەنجامێن دەنگدانا بەری وەخت بایدن ل هەشت ویلایەتان ل پێشیا دۆنالد ترامپ ە.
هلبژارتنێن ئەمریكا باندۆرەكە وان یا گرینگ ل سەر تەڤایا جیهانێ هەیە, وشرۆڤەكار وشارەزا دبێژن ئەنجامێن هلبژارتنان ب چ ئاوایەكی بن باندۆرا وان وێ ل سەر تەڤایا جیهانێ هەبە.

ل گۆری كو تێ راگەهاندن هلبژارتنێن ئەمریكا یێ ڤێ جارێ ب سەدەما ڤایرۆا كۆرۆنا جودانە ژ هلبژارتنێن سالێن دەرباسبووی , ژ بەر تێ پێشبینیكرن پشتی ب داوی هاتنا پرۆسەیا دەنگدانێ ب حەفتەیەكێ ئەنجامێن هلبژارتنان وەرنە راگەهاندن, ونەوەكە هلبژارتنێن بووری كو دۆنالد ترامپ دەمژمێر 3 سەرێ سبەهێ سەركەفتنا راگەهاند كو پشتی ب داوا هاتنا پرۆسەیا دەنگدانێ نە ب دەمەكە درێژ بوو .

204