قامشلۆ .. رۆلا پێشمهرگهێن رۆژ ژ مژارێن جڤینێن ئهنهكهسی بوو
آرك نيوز .. ل باژارێ قامشلۆ یێ رۆژئاڤایێ كوردستانێ 8 ئێلوونا 2019 ئهنجومهنا خوهجههییا كورنێش و وستا یا ئهنجومهنا نشتیمانی یا كوردی ل سووریێ جڤینا خوه یا نۆرمال لدارخست و مژارێن كوردی وكوردستانی و هن مژارێن رێخستنی گهنگهشكرن .
د جڤینێ ده بهحسا رهوشا رێخستنی یا كارێ ئهنجومهنان ههروهها ئاستهنگیێن كو خهلكێ رۆژئاڤایێ كوردستانێ تێره دهرباس دبن ب تایبهت د دهما نها ده هاته كرن.
ل سهر رهوشا سیاسی د جڤینێ ده رۆلا ئهنجومهنا نشتیمانی یا كوردی د ههرێما ئارام ده وههولێن گوههرتنا دهمۆغرافیا ههرێمێ د بجیكرنا عهرهبان ل بهشێ دن ژ رۆژئاڤایێ كوردستانێ كو ئێدی ب رۆژهلاتا فراتێ تی ناسكرن هاته كرن . ل ئالییهكی بهحسا گهر وسهرهدانێن ئهنجومهنا نشتیمانی یا كوردی ل سووریێ درێیا نڤیسگهها پهیوهندیێن دهرڤه ل ئهورۆپایێ وئهمهریكایێ هاته كرن .
ل سهر ڤێ مژارێ سهرۆكێ ئهنجومهنا خوهجهی قدری جان ژ مالپهرا ئهنكهسێ ره راگهاند كو ههرێما ئارام دڤێ ل بن پاراستنا ناڤدهولتی ده به و پێكهاتهێن ههرێمێ وێ ههرێمێ برێڤه ببن نهخاسم رۆلا گهلێ كورد كو ل سهر خاك وزهڤیێ خوه یه تێده بهرچاڤ وهره گرتن . ناڤبووری تهكهزی ل سهر ههبوونا رۆلا پێشمهرگێن لهشكهرێ رۆژ كرو گۆت پێویسته رۆلا وێ هێزێ سهرهكه به د پاراستنا ههرێمێ و رێزگرتنا ههموو پێكهاتهیان د چارچۆڤهیا وهلاتێ سووریا ده .
د داوییا جڤینێ ده خشتهیا كارێ پێشوهخت ههروهها پلانێن كار و چالاكیێن ئهنجومهنێن خوهجهی د دهمێن بێ ده وهك لدارخستنا سهمیناران و كار دناڤ گهل ده هات دایین .
ش.ع
418
