هەڤرێزكارێن بەرسڤدانێ: روسیا نە وەلاتەكی ب باندۆرە د دۆسەیا سوریێ دە

ارك نیوز .. تیما هەڤرێزكارێن بەرسڤدانێ لسوریێ د داخویانیا خوە دە ئەنجامدانا ئێریشێن ئەسمانی لسەر هەردوو گوندەوارێن حما و ئدلبێ ژ ئالێی رێژیما ئەسەد و روسیێ ڤە كو د ئەنجاما وان ئێریشان دە ب دەهان وەلاتیێن سڤیل بوونە قربانی بتوندی شەرمەزار كر.

رێخستنێ تەكەزكر كو بنپیێكرنێن ب سەرپەرشتیا رۆسیا تێنە ئەنجامدان ، مەزنترین بەلگەیە كو رۆسیا بەشداریێ د تاوانێن جەنگێ دە دكە ل دژی گەلێ سووریا ، وجڤانا ناڤدەولەتی تەكەزكر كو رۆسیا نكارە ببە وەلاتەكی ئەكتیڤ د چارەسەركرنا كریزا سووریێ دە.


هەروەها تیما هەڤرێزگارێن بەرسڤدانێ لسوریێ د هەمان داخویانیا خوە دە ئەشكەرە كر كو وێ كاریەببنپێكرنێن كو كو د هەیاما چل و هەیشت دەمژمێرین بووری دە هاتنە ئەنجام دان بەلگە بكە كو بێهتری حەفتێ و سێ خال ل گوندەوارێ حمایێ و ئدلبێ و حەلەبێ هاتنە ئارمانجكرن بتایبەتی گوندێن سهل الغاب لگوندەوارێ حمایێ بئاوایەكی تووند هاتن ئارمانجكرن و گۆت كو د ئەنجاما وان ئێریشێن ئەسمانی دە بێهتری دووازدە وەلاتیێن سڤیل جانێ خوە ژ دەست دان لگەل برینداربوونا زێدەتری چل ودوو كەسێن دن.

رێخستنا ناڤ هاتی دا زانین ژی كو هەژمارەك پر زێدە ژ ژێر خانە و ناڤەندێن خزمەتگوزارێی و دبستان و ئاڤاهیێن تەندروستی و كامپێن دەربەدەران هاتن ئارمانجكرن... هەر لگۆری ئامارێن هەمان رێخستنێ كو د ئەنجاما ئێریشێن رێژیما ئەسەد و بالافرێن شەركەر یێن روسی لسەر دەڤەرێن لباكورێ سوریێ بكێمانی نەه هەزار و پینسەد سڤیل دەربەدەربوونە و بەرەڤ دەڤەرێن ئارام ڤە چوونە .

د داویا داخویانیا خوە دە تیما هەڤرێزكارێن بەرسڤدانێ لسوریێ داخواز ژ جڤاكا ناڤدەولتی و هەموو رێخستنێن مرۆڤی ویێن مافێ مرۆڤان كر كو دەستوەردانێ د زوترین دەم دە بكن ژبۆ راوەستاندنا شەر و تووندوتوویا كو لباكورێ سوریێ تێ ئەنجام دان هەروەها داخوازا پێشكێشكرنا ئالیكاریێن مرۆڤی یێن بلەز ژبو وەلاتیێن سوریێ رە كر كو پێویستا وان ب ڤان ئالیكارێین بلەز هەنە .

348