د بەرچلەیا 2019 دە 751 سڤیل ل ئدلبێ هاتنە كوشتن

ارك نیوز .. تیما بەرەڤانیا سڤیلا سوری ب بەلگە كوشتن وبرینداربوونا سەدێن سڤیلان ژ ئالیێ بالافرێن شەر یێن رێژیما ئەسەد و روسیا ل باژارێ ئدلبێ و گوندەوارێن وێ د بەرچلەیا بووری دە ئەشكەرە دكە .

د راپۆرتەكە خوەدە تیما بەرەڤانیا سڤیل راگهاند كو د هەیڤا بووری دە ژبەر تووندبوونا ئێریشێن ئەسمانی یین رێژیما سوریێ و روسیا لسەر باژار وباژارۆكێن لژێر كۆنترۆلا گروپێن چەكدار یێن بسەر ئۆپۆزسیۆنا سوریێ ل باژارێ ئدلبێ وگوندەوارێ وێ هەری كێم پێنسەد و حەفتێ ویەك سڤیل ژیانا خوە ژ دەست دانە وبرینداربوونە .

هەر لگۆری تیما ناڤهاتی دایە خویاكرن كو ژ وێ هەژمارێ سیه وسێ ژن وچل ویەك زارۆك و حەفتێ و نەه زەلام و پێنچ كادرێن رێخستنا بەرەڤانیا سڤیل ژبەر بومبەبارانكرنا رێژیم و روسیێ هاتنە كوشتن ، هەروەها نۆه وچار زارۆك و هەیشتی ویەك ژن و دووسەد وسیه وشەش زلام و دوو خوەبەخش د بەرەڤانیا سڤیل دە ژی برینداربوونە .

هەر دەرباری ئۆپەراسیۆنێن كو هاتنە ئەنجام دان لسەر ئدلبێ وگوندەوارێن وێ هەمان راپۆرتێ دا دیاركرن كو د بەرچلەیا دوو هەزار و نۆزدەهان دە هێزێن رێژیما سوریێ و روسیا ، هەیسەد و دوو ئۆپەراسیۆنێن ئەسمانی ، و سێسەد وحەفتێ وسێ بەرمیلێن تەقینەر و حڤدە بومبە و هەیسەد و پێنجی و یەك مووەشك هەروەها سێ هەزار و پێنسەد و چل وحەفت تۆپێن گران لسەر دەڤەرێن لژێر كۆنترۆلا گروپێن چەكدار یێن بسەر ئۆپۆزسیۆنێ ڤە ل ئدلبێ ئەنجام دانە .

هەروەها راپۆرتێ بال كشاند سەر وێ یەكێ ژی كو نێزیكی شەسەد و بیست ویەك خانی ، دەه بازارێن گەلیری ، هەیشت دبستان ، سێ مزگەفت ، دوو ناڤەندێن بەرەڤانیا سڤیل ، دوو كامپێن دەربەدەران ، و سەد و سیه وحەفت زەڤیێن جاندنیێ هاتنە ئارمانجكرن .

ژ رێكەفتا بیست وپێنجێ مژدارا سالا دووهەزار و نۆزدەهان دە ، رێژیما ئەسەد ب پشتەڤانیا روسیێ دەست ب ئۆپەراسیۆنا خوە یا لەشكەری لسەر ئدلبێ كریە كو ئەڤ ئۆپەراسیۆن چارەمین ئۆپەراسیۆنە ژ ئالیی رێژیمێ ڤە تێ ئەنجام دان ل دەڤەرا كێمكرنا ئاستێ شەر ل ئدلبێ كو د ڤێ برۆسەیا خوە یا بەژایی دە كاریە تا نها بێهتری چل وپێنج باژارو باژارۆكێن ئدلبێ وهەژمارەك خالێن چاڤدێریێ یێن توركیێ ل هەمان دەڤەرێ كۆنترۆل بكە .

273