پروسهيهك بههڤ گوههرتنا دديلان دناڤبهرا رێژيم وئوپوزسيون هات ئهنجام دان
وهزارهتا دهرڤه یا روسیا راگهاند كو رێژیما سووریێ پروسهیهك بههڤ گوههرتنا دیلنا ب ئوپوزسیونا سووریێ ره ئهنجام دا تێده ههر ئالیهكی 9 دیل ب ههڤ گوههرتن ب سهرپرشتیهكێ ژ ئالیێ وهلاتێن گهرهنتیدار ژ ئاسیتانا ره .
ناڤهندا حمیمیم یا روسی ل سووریێ كو ب سهر وهزارهتا دهرڤه یا روسیا ڤه یه د داخویانیهكێ ده دیاركر كو د روژا 22 نیسانێ ل باژارێ تادف ل پارێزگهها حهلهب 9 دیلێن رێژیما سووریێ ب 9 دیلێن ئوپوزسیونا چهكدار ڤه هاتن گوههرتن .
ناڤهندا ناڤبوری ئهشكهره كر كو ئهڤ بههڤ گوههرتن هات ب بهشداریا نونهرێن وهزارهتێن بهرهڤانیا روسی وتوركی وئیرانی د چارچوڤهیا گروپا كار یا كو د جڤینا ناڤدهولهتى یا تایبهت ب سووریێ ل اسیتانا 22 بهرچلهیا 2017ان هاتبو پێكئانین .
ناڤبوری بالكشاند سهر وێ یهكێ كو د پروسهریا بههڤ گوههرتنێ ههر یهك ژ چاڤدێرێن ههیڤا سوری یا رێژیما سووریێ ههروهها رێڤهبهرێ ئوفیسا نهتهوێن یهگرتی ل شاما پایتهختا سووریێ علائ عبدالعزیز د ڤێ پروسهیێ ده ئامهدهبون .
ل گوری میدیایێن توركی كو پروسهیا بههڤ گوههرتنا دیلان ل دهڤهرا ئهبو الزندین یا ب سهر باژارێ باب ل گوندهوارێ حهلهبێ هاتن ئهنجام دان كو بهریا نهها ژی دو پروسهیێن دن یێ پههڤ گوههرتنا دیلان دناڤبهرا ههردو ئالیان ده هاتبو لدارخستن یا یهكێ د 24 مژدارا سالا 2018 ان ده بو ویا ددوێ د 12 سوباتا ڤێ سالێ ده بو .
501