ئەسەد بەندەرا تەرتوسێ ب كرێ ددە روسیێ

ارك نیوز .. مەدیایێن رێژیما ئەسەد ئەشكەرە كرن كو بەشار ئەلەسەد سەرۆكێ رێژیما سوریێ ب مەزنە بەرپرسیارێن روسی رە لشاما پەیتەختا سوریێ جڤیا ، و د وێ جڤینێ دە هەردوو ئالیان گەرا نوو یا دانوستاندنێن استانا دەرباریسوریێ و كرێكرنا بەندەرا تەرتوس یا بازرگانیێ دناڤبەرا هەردوو وەلاتان دە هاتن گۆتووبێژكرن .

وەزارەتا دەرڤە یا روسیا ژ ئالیێ خوە دیار كر د چەند رۆژێن بۆری دە سەرۆكێ رێژیما سوریێ ب شاندەیێ روسیێ یێ تایبەت ژبۆ سوریێ الكسندر لاڤرینتیڤ و جیگرێ وەزیرێ دەرڤە یێ روسیێ سێرگی فیرشینین وهەژمارەك بەرپرسێن دن د وەزارەتا بەرەڤانیا روسی دە جڤیابوو و مژارا كرێكرنا بەندەرا تەرتوسا سوری ژبۆ روسیا گفتوگۆكرن .

ژ ئالیێ خوەڤە ئاژانسا تاس یا روسی بەلاڤ كر كوت تێ چاڤەرێكرن د رۆژێن بێ دە وەلاتێ روسیێ كرێبەستا كرێكرنا بەندەرا بازرگانی یا تەرتوسێ ژ سوریێ ئمزەبكە .

ژ دەسپێكا كریزا سوریێ د سالا دووهەزار و یازدەهان دە وەلاتێ روسیی لسەر داخوازا رێژیما ئەسەد دەستوەردان د سوریێ دە كر وكو ژ وێ دەمێ ڤە وتا نها پشتەڤانێ سەرەكێ یێ رێژیما سوریێ یە ، كو ب پشتەڤانیا روسیی رێژیما ئەسەد كاریە هەژمارەك دەڤەر یێن كو ژ دەستێ رێژیمێ دەركەتبوو چارەكە دن كۆنترۆل بكە .

هەر دڤێ دەربارێ دە د سالا دووهەزار و حڤدەهان دە پەلەمەنتۆیا روسیا و شام گهشتن رێكەفتنەكێ دەرباری بهێزكرنا هەبوونا روسی د سوریێ دە و رێخوەشكرن لپێش هەبوونا لەشكەریا روسی یا هەردەم د بنگەهێن دەریایی و ئەسمانی دە ل دەڤەرێ .

هەروەها لگۆری وێ رێكەفتنێ یاكو دناڤبەرا هەردوو وەلاتان دە هاتیە ئەنجام دان كو ژ مافێ روسیی یە كارینێن بەندەرا سوری نووژەنگ و بەرفرەه بكە داكو كەشتێن خوە یێن چەنگی خوەشبكە .

439