كريزهكه سوتهمهنهيێ ل دهڤهرێن رێژيما سووريێ پهيدا دبه
ئهڤه دهمهكه ورهوشا ئابوری یا رێژیما سووریێ گهلهك خهرابه كو د ئهنجاما ڤێ یهكێ ده سوتهمهنی ل بازارێن باژار وباژاروكێن دبن كونترولا رێژیما سووریێ ده هاتیه برین ودیتنا وێ د ڤێ دهمێ گهلهك زهحمهت بویه .
ل گوری زانیاریێن ئاركێ كو نهرخێ یهك لتر بهنزین ل دهڤهرێن رێژیما سووریێ گهشتیه 1000 لهیرهیێن سووری ولترا مازوتێ گهشتیه 450 لهیرهیێن سووریێ كو جار جاران دگهێ 600 لهیران ژی كو سهدهما ڤێ یهكێ سزایێن ئهمریكی ل سهر ئیرانێ وباندورا وێ ل سهر رێژیما سووریێ كو ئهڤه دهمهكه درێژه ئیران نكاریبو پترولێ بگهینه سووریێ .
ل گوری زانیاریان كو ژ 2 چلهیا بوری وتا نهها ئیران نهكاری پترولێ بگهینه سووریێ كو روژانه 66 ههزار بهرمیل پترول دكهشته سووریێ د دهما بووری ده كو د ئهنجام ده تانكهرێن پترولێ ل بانیاس كو مهزنترین گوڤاژگهها پترولێ ل سووریێ ڤالابونه .
ژ ئالیێ خوه ڤه سهروك وهزیرێن رێژیما سووریێ راگهاند كو ئهمهریكا مسر ئاگادار كریه ژ بو رێگریێ ل دهرباسبونا تانكهرێن پترولێ یێن ئیرانی ب ریا كهنال السوێس كو ڤێ یهكێ هێلا كو تانكهرێن پترولا ئیرانی نهگهێن سووریێ كو ههر ههیڤهكێ 2 ملیون برمیل پترولا ئیرانی دگهشته سووریێ .
وهزیرێ ناڤبوری ئهشكهره كر كو وان گهلهك پهیوهندی ب حكومهتا مسرى ره كرن ژ بو دهرباسبونا تانكهرێن پترولێ لێ ئهڤ یهك بێ سود بو كو ههڤدهمی ڤێ یهكێ ئهمهریكا راگهاند كو ههر تانكهرهك پترولێ بهرێ خوه بده سووریێ بێ رازیبون وئاگاداریا وێ , ئهوێ نهچار بن كو وێ تانگهر یان بارهلگرێ ئارمانج بكن.
د ههمان مژارێ ده جیگرێ سهروك وهزیرێن رهسی یوری بوریسوڤ وسهروكێ رێژیما سووریێ بهشار الئهسهد كریزا سوتهمهنیێ ل سووریێ گفتوگو كرن وههر ئالیهكی پێشنیارێ خوه پێشكێش .
431