چارهنڤيسا گرتيێن داعشێ ل جهم پهيهدێ ؟
بهرپرسهكى پهیهدێ راگهاند كو ب ههزاران چهكدارێن داعشێ ل جهم وان ل روژهلاتێ چهمێ فهراتێ گرتینه دناڤ وان ده چهكدارێن بیانی نه كو پهیهدێ ههول دده كو وان ل دهڤهرێ خوه دادگهه بكن لێ ئهڤ یهك نه هاتیه قهبول كرن.
بهرپرسێ چهكدارێن پهیهدێ یێ بناڤێ عبدالكریم عمر ژ روژنامهیا الشهرق الئهوسهت ره دیاركر كو فایلێ گرتیێن چهكدارێن داعشێ بارهكی گهلهك گرانه ل سهر ملێ چهكدارێن پهیهدێ یه بتایبهت پشتى شكاندنا داعشێ ل سووریێ بتایبهت كو هژمارا گرتیان ب ههزارانه .
عمر ئهشكهره كر كو 6 ههزار گرتیێن داعشێ ل جهم وان گرتینه دناڤ وان ده ههزار چهكدارێن بیانی وئوروپی ههنه ویێن دن خودان رهگهزنامهیێن سووری وعراقى نه ودا دیاركرن كو حكومهتێ وهلاتێ وان چهكداران ڤهگهرا وان رهدكن لهوما وان ههول دان كو دادگهههكێ ل كوردستانا سووریێ ئاڤا بكن و وان چهكداران سزا بدن لێ ئهڤ یهك نایێ قهبول كرن ژ ئالیێ كومهلگهها ناڤدهولهتى ژ بهر دهستهلاتا پهیهدێ نه رهوایه .
ناڤبوری سهرباركر وگوت كو 12 ههزار ژن وزاروكێن داعشێ ل كامپێن تایبهت ب وان ل كوردستانا سووریێ ههنه كوخ ودان رهگهزنامهیێن بیانى نه دناڤ وان ده 4 ههزار ژن و 8 ههزار زاروك خودان رهگهزنامهیێن بیانی وئوروپى نه كو بگوتنا وى زاروكن ههنه تهمهنێ وان كێمى 10 سالانن ئهگهر نهیێن ڤهگوههستن ژ بو وهلاتێن خوه یێن رهسهن وێ مهترسیا وان د پیِشهروژێ ده ل سهر دهڤهرێ گهلهك به .
بهریا نهها ژی بهرپرسهكی پهیهدێ راگهاند كو رهوش ل دهڤهرێ بهرێ خوه دایه وێ یهكێ كو دادگههێن ناڤدهولهتى ل روژهلاتێ چهمێ فهراتێ وهرن ئاڤاكرن ژ بو دادگههكرنا وان چهكداران كو بگوتنا وى وان وهكو دهستهلات داریا پهیهدێ داخواز كرن كو ئهڤ دادگهه ل دهڤهرێ كوردى بن لێ ئهڤ یهك هاته رهدكرن ژ بهر كو تو رهواتیا دهستهلاتا پهیهدێ نینه .
482
